日和号壽司料理 (已結業)

Megabox周圍都好多人，唯獨呢間無咩人，所以就入去試下啦。佢嘅價錢唔算貴，所以都想像到味道大概如何，食品質素普通，都叫對得住價錢嘅。我地叫左兩個下午茶餐。極上牛肉讚岐烏冬（熊本黑蒜豚骨湯）（$69）得兩片好生嘅牛肉，不過浸耐d都有熟。有半隻流心蛋，的確做到流心效果。其他配料同湯嘅味道都係一般。讚岐烏冬好食，硬度適中，唔會煮得太淋。豚骨讚岐烏冬（芝士番茄豚骨湯）（$64）麵嘅配料都係一般，不過不失，豬軟骨味道尚可，特別想講下佢個湯。本身飲完上面個熊本黑蒜豚骨湯覺得普通，飲完呢個芝士番茄豚骨湯覺得上面個熊本黑蒜豚骨湯都唔錯，番茄湯配芝士唔係好夾仲有佢嘅芝士係一堆芝士醬，撈落湯奇奇怪怪咁。加州卷呢d下午茶餐都會配2件加州卷，加州卷都係普普通通，勝在開胃一流。火灸三文魚壽司（$16）凡惠顧下午茶餐都可以以優惠價加配小食。三文魚都燒得幾香，份量適中，幾好食。吉列炸生蠔（$18）咁第二款小食就叫左吉列炸生蠔，唔好睇佢大大舊咁，其實入面嘅生蠔好細隻。不過都還可以，炸得都ok，出面個炸個皮都唔會太粉。海膽（$168）見佢個海膽咁啱半價，所以叫黎試下，無咩鮮甜味，但係唔會臭，味道尚可。佢比埋飯同埋紫