老厝邊 (已結業)

去完迪士尼出黎大角咀食個晚餐，見到呢間大厝邊，入面都坐滿人喎，咁就試呢間啦！今次我地叫左牛筋麵$66，香噴噴炸雞扒便當$70，香蔥牛肉起司蛋餅$42 ，珍珠麥香奶茶$25。牛筋面紅燒湯，牛筋夠林，但湯覺得唔夠濃味，同埋個面偏淋唔啱我口味。香噴噴炸雞扒便當，一黎時竟然唔夠熱又淋，之後幫我翻炸，但炸完就覺得好乾，但味道係正常嘅。香蔥牛肉起司蛋餅，最正常嘅食品，唔覺有香蔥味，芝士蛋餅加牛係幾好食嘅！但得6件，42蚊好似有dd貴。珍珠麥香奶茶，好淡丫，奶比較多，珍珠夠林。我見好多人話好食，係失望左！