影片
更多
2024-05-27
1856 瀏覽
見呢間酒店自助餐新開 價錢又幾抵 就同屋企人一齊去試下佢地既自助晚餐 折左五百蚊有找 仲可以食全時段 六點食到十點 訂左平日食 去到餐廳未夠鐘 有少量人排梗隊等夠鐘入座 六點去到都未坐滿 仲有大把位 環境都幾好 好大好舒服 啲座位都好闊落 一入門口就係甜品區 都好多款 再入啲就係海鮮 刺身 壽司 即開生蠔 之後就係沙律 飲品 雪糕 麵包 最入先係熱食同埋即煎鐵板燒美國黑毛和牛 壽喜燒牛肉 片皮鴨 燒牛肉 羊架 仲有好多款式既熱食凍海鮮有好多款 有海蝦 螺 青口 長腳蟹 龍蝦 蜆 全部凍海鮮都正正常常 幾好味 係得龍蝦好韌 凍海鮮量好充足 唔會冇晒冇得食 即開生蠔冇乜人拎 食完可以再拎 每次可以拎三隻 有時會比較大隻 有時極細隻 食落都幾好味 熱食都幾多款式 但就比較普通 有意粉 炒飯 燒春雞 蒸魚 口水雞 辣酒煮蜆 青口 清蒸海蝦 西蘭花大蝦魷魚等等。。。熱湯有個係酥皮南瓜湯 幾香濃南瓜味 呢間自助餐必食既美國黑毛和牛 行埋去廚師就會即煎俾你 黑毛和牛好薄身 食落好淋 幾好味 另外仲有壽喜燒牛肉 底部會有少少豆腐 菜同埋金菇 之後就係壽喜燒牛肉 個人覺得煎既黑毛和牛好食啲 仲有即切既片
凍海鮮有好多款 有海蝦 螺 青口 長腳蟹 龍蝦 蜆 全部凍海鮮都正正常常 幾好味 係得龍蝦好韌 凍海鮮量好充足 唔會冇晒冇得食 即開生蠔冇乜人拎 食完可以再拎 每次可以拎三隻 有時會比較大隻 有時極細隻 食落都幾好味
熱食都幾多款式 但就比較普通 有意粉 炒飯 燒春雞 蒸魚 口水雞 辣酒煮蜆 青口 清蒸海蝦 西蘭花大蝦魷魚等等。。。熱湯有個係酥皮南瓜湯 幾香濃南瓜味
呢間自助餐必食既美國黑毛和牛 行埋去廚師就會即煎俾你 黑毛和牛好薄身 食落好淋 幾好味 另外仲有壽喜燒牛肉 底部會有少少豆腐 菜同埋金菇 之後就係壽喜燒牛肉 個人覺得煎既黑毛和牛好食啲 仲有即切既片皮鴨 燒牛肉 羊架都好味
甜品係有好多款式 望落都幾吸引 但食落真係幾失望 第一次食到拿破崙係淋既 完全脆都唔脆 仲要食唔出係咩味 啫喱糖都係第一次食到咁硬身既啫喱糖 可能落得太多魚膠粉 其他甜品都唔太好味 比較普通 最好食係朱古力蛋糕 好香好濃既朱古力味 又唔會太甜 同埋忌廉泡芙都幾好味 正正常常 另外仲有一杯杯既牛奶布甸 食落好香好濃牛奶味 布甸好滑 其他甜品可以唔洗食
餐廳仲可以俾客人自定寫心意畫碟 寫低想寫既字 廚師會畫埋公仔 即整朱古力心太軟 畫碟寫字有埋公仔係幾靚 但個朱古力心太軟都係唔好食
整體黎講 環境大 坐得舒服 價錢合理 食物款式多 味道正常 甜品唔掂
鐵板燒美國黑毛和牛 壽喜燒牛肉
17 瀏覽
0 讚好
0 留言
牛奶布甸
17 瀏覽
0 讚好
0 留言
忌廉泡芙
13 瀏覽
0 讚好
0 留言
朱古力蛋糕
22 瀏覽
0 讚好
0 留言
張貼
