逸東軒

營業中

休息中

慕名黎逸東軒食生日飯，雖然食唔到午市既點心，食下小菜都唔錯。服務好好，侍應好有禮貌，是日晚市好多日，上菜要等下，但都唔算好耐。最好食係玻璃蝦球、炸豆腐同埋蝦醬炒唐生菜膽！是日中湯幾好飲，加左炒葛同燒肉煲，好濃味。荷葉飯就好大兜，但味道一般，飯太冧，又冇咩配料，唔建議食。芒果糯米卷好普通，長州糯米糍可能仲好食。蛋白杏仁茶就ok la, 試過張公館既仲好食。但基於晚市重開有7折，整體性價比高，4人食，每人400左右，值得一試。