影片
更多
2024-03-28
8377 瀏覽
自助餐一路以嚟都係覺得金鐘JW樓上嘅性價比最高。 上年亦都去過麗晶酒店試吓岩唔岩口味，overall都係嘛嘛哋。最近黎左美麗華嘅Yamm, 食晚市自助餐。款式非常之多，比麗晶酒店更多。 當中包括香港人最鍾意食嘅幾款海鮮，日式刺身，壽司，法國生蠔等等。熟食都有羊架，牛扒，蒸魚，多國hot dishes，海鮮粥，天婦羅，海南雞，花膠包魚，中式麵檔。 甜品都有超多款。咖啡茶，果汁呢啲自由添加，假如要啤酒，紅白，有氣酒就要另外每位加錢 free flow. 講少少食物，海鮮有波士頓龍蝦，青口，蜆，長腳蟹，翡翠螺，凍蝦，瀨尿蝦，藍蟹，麵包蟹。當中好食嘅有長腳蟹，翡翠螺，瀨尿蝦（推介）。藍蟹有膏不過無甜度一般，麵包蟹淨係食膏。龍蝦好靭，食過兩次都係一樣，凍蝦係一般酒店出嘅解凍業務用熟蝦，不過處理做得幾好，肉質食得下。生蠔每次限拎三隻，新鮮，無殼碎，係瘦左d。正常操作。日式野種類算多，刺身有三文魚，呑拿魚，赤蝦，鯛魚，凡立貝，蛸，希靈等等。以凍貨計赤蝦同凡立最好食，其他同一般放題無乜分別😂 其他卷物都幾得意嘅。熟食方面，同JW一樣同樣有花膠，鮑魚。呢個價錢黎講算合理。烤牛肉好食，旁邊嘅海鮮粥都值得一
最近黎左美麗華嘅Yamm, 食晚市自助餐。款式非常之多，比麗晶酒店更多。 當中包括香港人最鍾意食嘅幾款海鮮，日式刺身，壽司，法國生蠔等等。
熟食都有羊架，牛扒，蒸魚，多國hot dishes，海鮮粥，天婦羅，海南雞，花膠包魚，中式麵檔。 甜品都有超多款。
咖啡茶，果汁呢啲自由添加，假如要啤酒，紅白，有氣酒就要另外每位加錢 free flow.
講少少食物，海鮮有波士頓龍蝦，青口，蜆，長腳蟹，翡翠螺，凍蝦，瀨尿蝦，藍蟹，麵包蟹。當中好食嘅有長腳蟹，翡翠螺，瀨尿蝦（推介）。藍蟹有膏不過無甜度一般，麵包蟹淨係食膏。龍蝦好靭，食過兩次都係一樣，凍蝦係一般酒店出嘅解凍業務用熟蝦，不過處理做得幾好，肉質食得下。
生蠔每次限拎三隻，新鮮，無殼碎，係瘦左d。正常操作。
日式野種類算多，刺身有三文魚，呑拿魚，赤蝦，鯛魚，凡立貝，蛸，希靈等等。以凍貨計赤蝦同凡立最好食，其他同一般放題無乜分別😂 其他卷物都幾得意嘅。
熟食方面，同JW一樣同樣有花膠，鮑魚。呢個價錢黎講算合理。烤牛肉好食，旁邊嘅海鮮粥都值得一試，好食。 海南鷄都幾滑，不過味道弱啲。
甜品超多選擇，我自己無食。不過有人話waffle 好食👍
總結： 自助餐係食all you can eat 嘅滿足感，呢度係俾到嘅，而且種類算好多，味道無話難食嘅情況出現，價錢比後面麗晶合理。
全自費食評*
張貼
