辣蟹莊

營業中

休息中

去完觀塘入貨，就同大胃之母嚟呢間中菜食晚飯，試吓佢地晚市孖寶不過大胃見佢有得揀花雕香檸話梅呢種食法，聞所未聞，就揀咗呢款蟹一上檯就聞到好香嘅花雕味，擺盤好有心思，蟹肉插晒喺蟹蓋度，拎開先見到蟹蓋裡面，除咗蟹膏，更裝有花雕，令蟹肉索晒酒香。蟹肉又嫩又實，唔會散颼颼仲好有檸香孖寶另一碟餸，大胃揀咗油浸筍殼魚，從未食過呢種魚，原來大條㗎？有專人幫手切開條魚，切到索索聲好脆身，然後淋上豉油，即刻襯熱食，真係啖啖肉外脆內嫩，魚香清爽冰鎮咕嚕肉都有孖寶㗎喎，冇諗過佢兜咕嚕肉咁鬼大份，嚿嚿肉都好大件，炸得勁脆卜卜，冰火交融之下口感溫感更立體，咬落去豬肉嘅香味會滲出嚟除咗菠蘿，佢地會用埋火龍果同哈密瓜肉做點綴，排場十足另外嘅孖寶兄弟就揀咗客家煎釀豆腐，擺盤非常有誠意，豆腐大大嚿，堅挺得嚟又嫩滑，上面嘅肉餅好有鹹香，但又唔會太過，簡單煮出不平凡由於大胃好鍾意芫荽，就嚟碗芫荽魚雲湯，點知係一大煲咁上檯湯煲得好香魚味，仲有大量魚肉同豆腐，當然都有好多芫荽，啖啖足料食得咁豐富，有壺靚茶都好緊要，壽眉幾香醇又消到滯又有開胃前菜，醋醃白蘿蔔片，酸瞇瞇幾過癮食完飯後一人一碗喳咋西米露，唔會太甜又多餡，紅豆香而溫醇，