影片
以上資料只供參考, 請與餐廳確認詳情
位於觀塘新開張的辣蟹莊，是二十多年老字號，可謂是避風塘辣蟹的始祖專家！主廚榮獲多項美食獎項，出品絕對有保證！新店推出特惠的避風塘辣蟹拼海鮮的孖寶優惠套餐，更有多達10款烹調蟹的方法可供選擇，另外加配不同海鮮美食，價錢真心超值，除咗海鮮仲有多款高質粵式佳餚，喜歡中菜既朋友絕對不能錯過👍👍▪️ 孖寶優惠套餐 🦀🦞避風塘炒蟹配上湯澳洲龍蝦 $ 698呢個套餐真係超值，原本單點炒蟹已經要 $588，而家加埋龍蝦都係多$100左右，而且質素超高，真係呢度嘅必食推介👍👍🦀避風塘炒蟹，微微香辣超級香口，炸蒜香蔥夠晒惹味，膏蟹巨型又多膏，而且蟹嘅肉質飽滿，新鮮又結實，啖啖蟹肉好鮮味，必食推介🦞上湯澳洲龍蝦大大隻，啖啖龍蝦肉，肉質爽口又彈牙，配上簡單調味嘅上湯，完全食出龍蝦鮮味▪️當紅脆皮炸子雞半隻 $ 208雞夠肥美，雞皮與雞肉之間有一層薄薄的脂肪，皮脆肉細嫩，雞肉剛剛熟非常鮮味，不需沾上任何調味料已經好好食，亦可以沾上淮鹽或喼汁增添風味▪️蒜蓉炒豆苗 $ 138豆苗清甜翠綠鮮嫩，配上上湯和炸蒜頭，蒜味濃厚，豆苗口感細滑，美味的蔬菜▪️香茜豆腐魚雲湯 $ 138湯頭呈奶白色，湯料十分豐富，魚味濃郁好鮮味，配合豆腐、草菇和芫荽，湯頭更鮮香，清熱又解毒，啱晒成日食熱氣嘢我，而且大大煲好抵飲▪️ 咋喳糖水最後店家送上自家煲製嘅足料咋喳糖水，多款豆類煲得軟腍，糖水夠晒味道而且唔太甜，好味道
繼續閱讀
上兩個月，鄭叻去咗觀塘同同事食海鮮。餐廳的燈光明亮，環境整潔。📌食蟹必食雙配 - $688這道菜的主角是薑蔥炒蟹與上湯澳洲龍蝦，兩者的搭配可謂完美。蟹肉新鮮，肉質鮮甜，薑蔥的香氣恰到好處，讓每一口都充滿了濃郁的海鮮風味。上湯澳洲龍蝦則是另一個亮點，湯頭鮮美，濃郁卻不油膩，完美襯托出龍蝦的鮮味。整體來說，這道菜色澤誘人，味道絕佳，讓人回味無窮。順便一提，愛吃辣的食客可以點避風塘炒辣蟹。不過，建議可以在上湯的調味上再加強一些層次感，或許加入少許香料來提升風味。。📌椒鹽特大火箭鮮魷 - $188這道椒鹽魷魚的外皮炸得酥脆可口，搭配椒鹽的調味，讓每一口都充滿了香氣。魷魚肉質彈牙，吃上一口讓人忍不住想再來一份。這道菜的份量也相當足夠，適合與朋友分享。不過，若能在魷魚的切割上再精緻一些，可能會提升整體的口感體驗。。📌冰鎮鮮果咕嚕肉 - $238這道咕嚕肉的特色在於冰鎮的鮮果搭配，讓傳統的咕嚕肉增添了一抹清新的口感。肉質外酥內嫩，酸甜的醬汁更是完美融合，讓人一試成主顧。每一口都帶有水果的清香，為這道經典菜式注入了新生命。建議可以考慮增加一些水果的種類，讓口感更加豐富。📌生炸玻璃乳鴿 - $78這道生炸乳鴿外皮金黃酥脆，肉質鮮嫩，搭配特製的醬油，讓每一口都令人驚豔。乳鴿的鮮味在炸製後更顯突出，是一道非常值得品嚐的小吃。不過，可能可以考慮稍微調整炸製的時間，讓外皮更加薄脆，同時保持內部的多汁感。。📌 六頭南非鮑魚脆米飯 - $128這道脆米飯的搭配相當創新，南非鮑魚的鮮美與米飯的酥脆形成了絕佳的對比。每一口都能感受到鮑魚的鮮甜，搭配脆米飯的口感，令人食指大動。這道菜不僅視覺上吸引，味道上也非常出色。建議在配菜方面可以再增添多些綠色蔬菜，讓整體的色彩與口感更加平衡。整體而言，這次的用餐體驗非常愉快，各道菜色的創意與風味都令人讚賞。希望未來能在細節上再做一些小調整，讓每道菜色的表現更加完美。
繼續閱讀
觀塘嘅辣蟹莊最近搬咗去新店，變成咗海鮮愛好者嘅新寵。我約咗幾個朋友今晚去食飯，正好遇到佢哋嘅優惠，真係超值！我哋嗰晚點咗花雕蛋白蒸蟹、脆皮咕嚕肉、小炒王，仲有幾款點心，每樣都令人食到唔想停口！辣蟹莊推出咗個好誇張嘅「十蟹挑戰」，真係好吸引！如果你一次過食十隻蟹，每隻都有折扣，食到第十隻仲可以免費送你一隻，完全合乎「食蟹」嘅精神！而且蟹嘅烹調方法真係多樣化，有避風塘炒蟹、黑白胡椒蟹、花雕香檸醉蟹等等，十款唔同風味，滿足各種口味需求。我同朋友就叫咗花雕蛋白蒸蟹，蟹肉新鮮得不得了，蒸得啱啱好，完全冇腥味，加上花雕酒嘅香氣，真係一流！蛋白令蟹肉更加滑，食嘅時候配埋剁碎嘅香蔥，完美！每一口食落都細膩得嚟，真係忍唔住一口接一口。而脆皮咕嚕肉就係另一道經典，外層脆脆嘅，加上酸甜醬汁，肉質又嫩滑，每一口都令人驚喜！特別係朋友們都超鐘意，話呢道菜大人小朋友都會鍾意。而小炒王亦係下飯嘅好選擇，各種蔬菜齊齊上，令整張餐桌色彩繽紛，真係好誘人。除此之外，我哋仲叫咗上湯澳洲龍蝦，真係今晚嘅MVP啊！呢隻龍蝦汁濃味美，肉質鮮甜，每一口都係享受！都可以話係一種超級享受，加埋其他菜式，真係食到飽又滿足！如果你仲未試過觀塘嘅辣蟹莊，快啲約埋朋友一齊去享受一番啦！
繼續閱讀
朋友係九龍東街坊，話有個好正嘅offer，一定要試下，因為多人食好少少嘅中菜海鮮類，一於去試下。餐廳叫辣蟹莊，餐廳當然食海鮮同蟹為主，原來最正啲蟹呢到有十二種整嘅方法。花雕香檸話梅、避風塘炒、薑蔥炒、黑白胡椒、星馬酸辣、乾燒粉燒，黃金沙、清蒸、雞油花雕、蒸肉餅等等，你可以試哂十二隻味，食夠十二隻下次就送你一隻，呢個promotion真係好啱係呢頭番工嘅朋友同街坊。當晚食左花雕雞油蒸，隻蟹還不錯，不過花雕味唔夠，龍蝦就好精彩，特別推薦，一食就知新鮮貨色。單點價一隻$588，最好係孖寶搭其他野先抵食，搭過上湯焗澳洲龍蝦，金沙火箭魷魚，豉椒炒花甲皇、椒鹽九肚魚、酥炸台山蠔、辣酒煮花螺、果皮蒸六頭南非鮑魚又或者清蒸/油浸筍殼魚，都係$398-$698。當日仲食左點心，試XO醬腸粉同湯餃，加個好出名嘅小炒王同咕嚕肉，價錢唔貴，而且坐得幾舒服，有空係呢區食飯可以考慮。
繼續閱讀
/今次嚟到觀塘嘅辣蟹莊試吓佢哋招牌嘅炒蟹同其他菜式一入到嚟職員都好快招呼我哋問我哋飲乜嘢茶亦都推介咗佢哋嘅孖寶套餐，招牌炒蟹同埋一款海鮮我哋揀咗避風塘炒蟹同埋上湯澳洲龍蝦避風塘炒蟹我哋揀咗小辣，炒得好香口，蟹亦都好新鮮而上湯澳洲龍蝦肉質好爽口同埋彈牙完全食得出唔係雪藏貨！店員都好好服務， keep住幫我哋換碟👍🏻👍🏻另外我哋都叫咗一個客家釀豆腐煎得十分香口，又健康食晒咁多樣嘢之後餐廳送咗一個好特別嘅桂花糕俾我哋佢仲要係蟹嘅形狀好得意🤪下次大時大節食飯一定會過嚟book枱！
繼續閱讀