更多
2025-07-23
0 瀏覽
早幾日放工後同男朋友去大埔超級城行下,主要係想睇下奇趣天地新開嗰間店,行完見都到晚飯時間,就喺商場入面搵間餐廳食晚飯。見到「喫茶ちょうぼ」裝修幾有feel,加上Menu上嘅若葉香氣蛋包飯好似幾有特色,就入去試下~🧡若葉香氣蛋包飯($136)呢款蛋包飯賣相確實特別,蛋皮係淡淡綠色,因為加入咗香草同牛油果。底下既飯加入左飯素,食落唔會覺得悶!店員切開蛋包嗰下都幾療癒,蛋汁流哂出嚟~味道唔算濃,帶有一點清新,滑滑地幾好口感!🧡日式咖喱牛肋肉烏冬($132)咖喱香而不辣,偏甜口,牛肋肉燉得好腍,入口唔使多咬!烏冬煙韌度啱啱好,吸晒咖喱汁,食落幾惹味,份量都唔少!🧡蔥油香菜唐揚炸雞($118)炸雞外皮夠哂脆,唔會太厚,入面雞肉都好嫩!蔥油味道幾突出,唔會死鹹,食落有少少似蔥油豬扒飯嗰種感覺,但炸雞版本就多咗份香口感!🧡初夏清甜蜜瓜刨冰($82)刨冰上面有蜜瓜果肉,甜度唔高,幾清爽!夏天食落真係幾啱,解膩又涼快!🧡極濃花生咖啡($58)花生味真係幾濃,入口有少少似飲花生醬加咖啡咁,唔會太甜但口感厚身!鍾意花生味嘅朋友應該會幾啱~🧡紫薯牛乳($38)紫薯味唔算好重,但牛乳夠滑,飲落有淡淡甜味,唔會太
🧡若葉香氣蛋包飯($136)
呢款蛋包飯賣相確實特別,蛋皮係淡淡綠色,因為加入咗香草同牛油果。底下既飯加入左飯素,食落唔會覺得悶!店員切開蛋包嗰下都幾療癒,蛋汁流哂出嚟~味道唔算濃,帶有一點清新,滑滑地幾好口感!
🧡日式咖喱牛肋肉烏冬($132)
咖喱香而不辣,偏甜口,牛肋肉燉得好腍,入口唔使多咬!烏冬煙韌度啱啱好,吸晒咖喱汁,食落幾惹味,份量都唔少!
🧡蔥油香菜唐揚炸雞($118)
炸雞外皮夠哂脆,唔會太厚,入面雞肉都好嫩!蔥油味道幾突出,唔會死鹹,食落有少少似蔥油豬扒飯嗰種感覺,但炸雞版本就多咗份香口感!
🧡初夏清甜蜜瓜刨冰($82)
刨冰上面有蜜瓜果肉,甜度唔高,幾清爽!夏天食落真係幾啱,解膩又涼快!
🧡極濃花生咖啡($58)
花生味真係幾濃,入口有少少似飲花生醬加咖啡咁,唔會太甜但口感厚身!鍾意花生味嘅朋友應該會幾啱~
🧡紫薯牛乳($38)
紫薯味唔算好重,但牛乳夠滑,飲落有淡淡甜味,唔會太膩!杯身設計都幾靚,打卡都幾啱!
整體嚟講,餐廳環境舒服,裝修有心思,食物賣相靚,味道唔算驚喜但有水準,價錢中等。如果下次再嚟,可能會試埋佢哋其他甜品系列~
張貼