PHI Coffee & Pancake (卡佛大廈)

營業中

休息中

今日同朋友去咗中環試吓新嘢，其實最想試個梳乎厘😛首先係甘筍蝦意大利飯、賣相幾吸引，橙黃色嘅飯粒望落好開胃。飯粒煮得al dente，口感煙韌，蝦肉爽口。而開心果帶子意粉🍝就幾有驚喜，開心果醬汁味道香濃，帶少少鹹，配上煎帶子。意粉軟硬度適中，整體味道平衡得幾好。飲品方面，我哋叫咗開心果咖啡同藍莓🫐梳打。開心果咖啡味道幾特別，開心果味同咖啡味都突出，唔會互相搶味。藍莓梳打清爽解渴。最後嘅甜品係春日香橙焦糖燉蛋梳乎厘班戟🥞、賣相好靚，梳乎厘焗得鬆軟，入口即溶。配有橙香焦糖燉蛋，味道豐富。