影片
更多
2018-09-14
27 瀏覽
沙田新城市長期旺場，相信生意唔夠好的話，都一定捱唔住租金，所以d餐廳久不久就轉手。對於我哋消費者嚟講，當然係經常有新鮮感啦！Mimila 都係其中一份子，餐廳前身係名氣蛋糕甜品店，而家已經做咗星馬麵食，抱著好奇嘅心態入去試下。餐廳面積唔大，擺到8-10張枱，都係以簡單快靚正模式為主。入到店內女職員話餐廳有新Menu, 主動介紹有幾款新食物，態度友善。我哋兩個一人叫咗碗麵，另外加個雞肉牛肉串燒同兩杯桔子梳打。我叫咗個白胡椒肉骨撈麵，友人叫咗個馬來辣蝦摻摻。原來摻摻係米粉加油麵，友人話佢個麵嘅湯頭都夠濃，又唔會太咸。我就因為感冒中，為免交叉感染，所以無試佢果碗。我自己果碟撈麵就俾我清咗碟。白胡椒湯幾香，味道唔會辣好搶，清清地又有香味，幾好！撈麵上有d蝦籽。平時食雲呑麵嘅時候，蝦籽都係好珍貴，得少少，但今次呢間餐廳都幾闊佬，起碼都覆蓋咗最上層嘅麵 。我最欣賞佢多蔥！碎蔥夠多真係令個麵生色不少。撈均各種材料，芽菜嘅爽、胡椒同蔥嘅香、蝦籽嘅鮮，正呀！串燒牛肉同雞肉味道都可以，而且半打只係$68，我覺得幾抵食。最後個桔子梳打，青色嘅桔子我以爲係青檸，桔子好似青檸咁清新，但係就多一份甜味，大熱天時有
Mimila 都係其中一份子，餐廳前身係名氣蛋糕甜品店，而家已經做咗星馬麵食，抱著好奇嘅心態入去試下。
餐廳面積唔大，擺到8-10張枱，都係以簡單快靚正模式為主。入到店內女職員話餐廳有新Menu, 主動介紹有幾款新食物，態度友善。
我哋兩個一人叫咗碗麵，另外加個雞肉牛肉串燒同兩杯桔子梳打。
我叫咗個白胡椒肉骨撈麵，友人叫咗個馬來辣蝦摻摻。原來摻摻係米粉加油麵，友人話佢個麵嘅湯頭都夠濃，又唔會太咸。我就因為感冒中，為免交叉感染，所以無試佢果碗。
我自己果碟撈麵就俾我清咗碟。白胡椒湯幾香，味道唔會辣好搶，清清地又有香味，幾好！
撈麵上有d蝦籽。平時食雲呑麵嘅時候，蝦籽都係好珍貴，得少少，但今次呢間餐廳都幾闊佬，起碼都覆蓋咗最上層嘅麵 。我最欣賞佢多蔥！碎蔥夠多真係令個麵生色不少。撈均各種材料，芽菜嘅爽、胡椒同蔥嘅香、蝦籽嘅鮮，正呀！
串燒牛肉同雞肉味道都可以，而且半打只係$68，我覺得幾抵食。
最後個桔子梳打，青色嘅桔子我以爲係青檸，桔子好似青檸咁清新，但係就多一份甜味，大熱天時有杯清新凍飲中和下，感覺都唔錯呀！
張貼
