影片
更多
2025-07-07
111 瀏覽
西貢係一個充滿回憶的地方，當年做學生時，就經常同學去收集標本，到做暑期工，就個個禮拜去宿營，到有了小朋友，每逢放假就一家人去西貢海邊挖蜆，好多時都會順路係西貢食埋飯。 當年都仲未有米芝蓮，但家陣有間六福菜館可以連續16年拎米芝蓮一星，真厲害。 早排就同幾位朋友食個lunch，因為有位朋友都好幾年無見，大家聚下都好。 奇脆椒鹽豆腐（$48）坊間好多都係一粒粒上，但六福卻係一長條，炸得色澤金黃淡雅，明顯是用上了新油，吃起來不單沒有千年油的異味，外脆內軟的感覺真好。 西貢地道魚湯（$248）出外用餐多年，飲魚湯除了家母的湯水永遠是首席外，相信六福及多年前的漁市場能及得上，濃稠的質感，乳白的湯色，洋溢著陣陣魚香，毫無腥味，好飲。 椒鹽焗大連鮮鮑魚（4隻）（海鮮 $380 + 加工費 $130 = $510）店方名物，半隻手掌大新鮮鮑魚，肉質軟熟柔韌，椒鹽下得恰到好處，用來佐酒無得輸。 米湯低溫慢煮元貝（4隻）（海鮮 $360 + 加工費 $120 = $480）元貝洗得好乾淨，低溫慢煮令肉質保持嫩滑，米湯輕盈，帶出了元貝的鮮味。 天婦羅桶蠔伴生菜（4隻）（海鮮 $220 + 加工費 $13
西貢係一個充滿回憶的地方，當年做學生時，就經常同學去收集標本，到做暑期工，就個個禮拜去宿營，到有了小朋友，每逢放假就一家人去西貢海邊挖蜆，好多時都會順路係西貢食埋飯。
當年都仲未有米芝蓮，但家陣有間六福菜館可以連續16年拎米芝蓮一星，真厲害。早排就同幾位朋友食個lunch，因為有位朋友都好幾年無見，大家聚下都好。
奇脆椒鹽豆腐（$48）坊間好多都係一粒粒上，但六福卻係一長條，炸得色澤金黃淡雅，明顯是用上了新油，吃起來不單沒有千年油的異味，外脆內軟的感覺真好。
西貢地道魚湯（$248）
出外用餐多年，飲魚湯除了家母的湯水永遠是首席外，相信六福及多年前的漁市場能及得上，濃稠的質感，乳白的湯色，洋溢著陣陣魚香，毫無腥味，好飲。
椒鹽焗大連鮮鮑魚（4隻）（海鮮 $380 + 加工費 $130 = $510）
店方名物，半隻手掌大新鮮鮑魚，肉質軟熟柔韌，椒鹽下得恰到好處，用來佐酒無得輸。
米湯低溫慢煮元貝（4隻）（海鮮 $360 + 加工費 $120 = $480）
元貝洗得好乾淨，低溫慢煮令肉質保持嫩滑，米湯輕盈，帶出了元貝的鮮味。
天婦羅桶蠔伴生菜（4隻）（海鮮 $220 + 加工費 $130 = $350）
桶蠔勁大隻，脆漿薄薄一層，油份亦瀝得清，以生菜包裹，再下點奇妙醬，爽脆中滿是蠔味。
薑蔥炒蟶子皇配煎米粉（4隻)）（海鮮 $360 + 薑蔥煎米粉加工費 $185 = $545）有驚喜的一道菜，砂鍋上保留了熱力，米粉煎至微焦，蟶子皇碎上以薑蔥爆炒，哪有不好吃的道理。
蒜蓉粉絲蒸茄子（$148）茄子早已褪皮，很細心，蒜蓉的香味滲入茄子及粉絲內，很惹味的一道菜。
蒜蓉炒菜心（$138）年紀大，每餐飯總是要來一碟菜蔬來平衡心理，油下得足，清甜翠綠，很好。
西貢艇仔蒸飯（小）（$288）材料豐富，全是海鮮類乾貨，蝦乾、銀魚仔及土魷把飯面蓋得滿滿，每口飯都充滿了海洋的味道，就連豉油都不用，好味。
壽包（大）（$25）
席間有壽星女，順道點了一件壽桃包，開開心心又一餐。
張貼
