瀛豐放題料理專門店

過中秋，梗係要食好啲，一早已經Book 定位食放題。去到餐廳，見到有季節限定 - 大閘蟹，即刻upgrade 任食大閘蟹 ($499 / 2hrs)，仲包埋生蠔同埋海膽帶子。- 大閘蟹大閘蟹係即叫即蒸，所以要預番少少時間，可以坐低，即落一轉，之後再落多轉。隻隻都爆晒膏，味道甘香，蟹味好濃郁。食一轉，已經開始回本。- 生蠔放題有生蠔，真係好少見，必食。生蠔Size 正常，肉質結實，濃郁鮮甜，同平時酒店Buffet 有得比，仲要唔使排隊。- 豪華刺身拼盤刺身種類好多，超級大盤，有珍寶赤蝦，帶子，吞拿魚，白玉貝，赤貝，角螺等。。。全部都好新鮮，三文魚腩好肥美， 個人覺得貝類最好食，爽口彈牙。- 壽司細細件，而且種類多，質素高，可以樣樣都試下，唔驚冇位食其他野。- 天婦羅，炸物，燒物樣樣都好吸引，感覺上燒物最好食。泰式燒元貝，燒蝦，芝麻雞翼都係大推薦。- 泰式料理熱食仲有泰式料理，炒蜆，豬手，炸蛋都有，泰式風味十足。甜品櫃有西式，泰式甜品，仲有雪糕，超滿足！係瀛豐食放題，可以一次滿足所有願望，可以食到大閘蟹，又食到日本野，而且質素極高，一定要食多幾次。