蘇山雞飯

營業中

休息中

乍眼看以為佢净係賣雞飯， 原來係一間主打星加坡菜嘅餐廳， 招牌菜係海南雞， 菜牌有一頁專係用雞做嘅唔同菜式，當然佢都有賣其他南洋菜， 選擇都多嫁， 睇啲菜名都好地道， 响星加坡旅行時都有見過。因今次係第一次幫襯， 所以叫咗個午市套餐， 星洲叻沙海南雞摻摻。 可能係食慣重口味， 感覺嗰叻沙湯底好似唔太濃，唔係馬來西亞嗰啲， 味道冇咁重辣重奶味， 比較健康。 而啲海南雞就皮薄爽滑， 份量都唔少嫁，仲加錢要咗個鮮油咖央多士， 好脆好惹味，唔錯。總體嚟講， 以响旺區食南洋菜， 價錢都算抵食。