Burgeroom (Fashion Walk)

營業中

休息中

星期日當然要同好姊妹CHILL下，係佢介紹之下入左黎呢間Burger店，就抱住咩都試下既心態入去。一坐底望下別具一格既環境，幾舒服幾有外國味道。老實講佢BURGER既款都幾多，睇到我花多眼亂，價位大約HKD75-300 都有，要視乎你叫普通牛肉還是鵝肝之類貴價野。 好姊妹話叫我試下大烤茹芝士牛肉漢堡因為佢上次食過話好正，咁我就諗都唔諗叫埋一樣既。我地叫左個大烤茹芝士牛肉漢堡 (HKD 108) 。嘩，估佢唔到咁大個，大過我隻手掌，好似好誇張，心諗早知叫一個SHARE先，怕食唔曬。其實傾傾下計，大約等左10分鐘到個包都好快上枱，個包身都夠挺冇塌，食得出有塗牛油而且烘過，但包身比較FLUFFY，似食緊空氣咁既梳乎里，唔太實!至於主角牛肉漢堡扒好厚身，好Juicy，而大啡茹就好多汁又夠焾身，令成個包口感平衡番，仲有芝士、生菜同蕃茄做伴料。總括: 個BURGER 真係好大個，早知兩個SHARE一個就可以了，食唔曬當然要打包唔好浪費食物!! 呢間BURGER 店值得一試。