影片
更多
2021-08-17
3730 瀏覽
兩條友星期六想食放題、即刻諗到亞太中心5樓，不過如果兩個人多數貼住隔離一張細枱咁大把 ⋯ 坐就唔多舒服但係嘢就非常抵食！⬇️只要你唔介意食咁早、5-7pm食兩個鐘頭只係$200加一，即係埋單$220一位仲可以俾 Tap n Go 用埋消費卷。上個月食咗鱷魚恤中心嗰間真係好一般、今次發現呢邊多咗嘢食 Menu 好似有少少唔同。⬇️嘢飲同埋部份小食自己出去拎、除左蟲草花湯之外小食仲有鹽酥雞/章魚燒/同埋蒸魚等。凍海鮮就有青口同埋蝦、仲有鴨胸沙律等等任攞。⬇️呢度用QR code落單都冇乜漏單，全場滿座上菜速度都幾快、如果你一早狂落單張枱可能冇乜位剩。不過收碟嘅速度係超級快、今晚不停有架車來回狂收 ⋯ 簡直趕唔上佢車速 😂 但係因為收得密、張枱先會夠位食！⬇️以前食開嗰啲刺身壽司手卷都正常。今次出現咗一啲未見過既包括蒜蓉蒸扇貝、上面嗰Pat醬好咸扇貝冇乜味，但係見到呢一個就幾驚喜。⬇️下一個係白酒煮蜆、最搞笑係上枱一陣青咖喱味 ⋯ 我以為係泰式青咖喱炒蜆！仲有一個古早味牛丸湯、又係泰式嘅金邊粉味 ⋯ 全部都 crossover 出第二種味！⬇️而家多咗醉鮑魚幾好味、反而花膠冇以前咁好味而佢地乜都鍾意加隻
⬇️
只要你唔介意食咁早、5-7pm食兩個鐘頭只係$200加一，即係埋單$220一位仲可以俾 Tap n Go 用埋消費卷。上個月食咗鱷魚恤中心嗰間真係好一般、今次發現呢邊多咗嘢食 Menu 好似有少少唔同。
⬇️嘢飲同埋部份小食自己出去拎、除左蟲草花湯之外小食仲有鹽酥雞/章魚燒/同埋蒸魚等。凍海鮮就有青口同埋蝦、仲有鴨胸沙律等等任攞。
⬇️呢度用QR code落單都冇乜漏單，全場滿座上菜速度都幾快、如果你一早狂落單張枱可能冇乜位剩。不過收碟嘅速度係超級快、今晚不停有架車來回狂收 ⋯ 簡直趕唔上佢車速 😂 但係因為收得密、張枱先會夠位食！
⬇️
以前食開嗰啲刺身壽司手卷都正常。
今次出現咗一啲未見過既包括蒜蓉蒸扇貝、上面嗰Pat醬好咸扇貝冇乜味，但係見到呢一個就幾驚喜。
⬇️下一個係白酒煮蜆、最搞笑係上枱一陣青咖喱味 ⋯ 我以為係泰式青咖喱炒蜆！
仲有一個古早味牛丸湯、又係泰式嘅金邊粉味 ⋯ 全部都 crossover 出第二種味！
⬇️而家多咗醉鮑魚幾好味、反而花膠冇以前咁好味而佢地乜都鍾意加隻小鮑魚上面 🤣
⬇️仲有多咗個黃金蝦、嗰個黃金醬甜到喊唔好食。不過如果你鍾意食蝦呢度都可以全部都係蝦系列、天婦羅炸蝦今日啲粉超厚一般般。
⬇️其他啲芝麻雞翼/炸榴槤/牛舌/一口魚乾/燒鰻魚等都正常水平、最後叫咗個蟹肉鮑魚粥 ⋯ 蟹肉就冇乜啦不過唔難食。
⬇️最緊要抵食$220冇投訴、消費卷 Bye Bye！
張貼
