八幡屋日本料理 (已結業)

同朋友去咗旺角食放題，周圍搵食肆，見到八幡屋口碑都唔錯所以就想去一試。位置寬敞，枱面都相當乾淨。因為嗰陣時唔係好多人我哋仲可以安排卡位近窗，望到出面嘅街景。我哋加左＄50去咗食一個升級嘅菜式。首先，我哋叫左一輪又一輪嘅刺身。厚切三文魚刺身食起嚟口感香滑而且有鮮味。甜蝦肉質爽甜，普遍都相當新鮮。鮑片口感彈牙，味道清甜。而且鯛魚肉質實淨新鮮，係我嘅至愛。因為同行友人好喜愛食蝦，所以我哋嘅升級食物就叫左好多嘅赤蝦。我哋總共叫咗20隻，上枱嘅時候真係嚇左我地一跳。我哋好似食咗人哋全家咁。每一隻蝦分量十足，而且口感彈牙，感覺十分新鮮，就連我唔原本唔太鍾意食蝦，都忍唔住口食咗幾隻。跟住，我哋仲叫咗唔少嘅手握壽司。火炙三文魚同和牛壽司係我哋共同嘅強力推薦，味道新奇而且好好味。另外，花之戀壽司三文魚份量都尚算充足，味道尚算不錯。然後，我哋仲叫咗唔少嘅燒物去一齊食。值得一講嘅係燒牛脷，味道惹味，而且口感彈牙，令人不禁食完一串又一串，搞到我一共食咗十幾串。另外，其他天婦羅燒雞翼都係水準之作值得一試。總體而言，八幡屋日本料理食材選擇多，而且味道不錯，價錢亦尚可接受。所以長時間都會有好多人去食，所以夜市嘅時間