影片
更多
2017-10-10
323 瀏覽
近年興起飲手工啤酒，本地品牌嘅手工啤酒更加有如雨後春筍，自己亦都試過唔少本地嘅品牌，手工啤酒比起商業啤酒層次更加豐富，口感變化更大，而我亦都不知不覺咁樣愛上，知道呢間主打外國入口嘅手工啤酒專門店啱啱開業，就即刻捉住老友嚟試一下。呢間小酒館位於旺角核心既外圍，就喺亞皆老街行上火車站嗰堂樓梯既對面，盡吸人流之利，旺中帶旺；酒館既裝潢帶啲RAW RAW地既路線，牆身主要由水泥色扇灰牆同埋仿磚牆構成，酒館既中間係兩張淺木色長BAR枱，右手面係一列蘋果綠色既梳化椅，加上富有情調既燈光與及工業風既燈罩，氣氛不俗。望向盡頭見到一部氣勢磅薄既啤酒機，見部機有成廿個出啤酒既咀咀，花心既我即刻暗喜，啤酒機上面個燈箱係各款手工啤既 Menu，上面既資訊非常詳盡，除左有啤酒既類型，名稱，品牌之外，仲有ABV同埋IBU，ABV係啤酒酒精既濃度，而IBU就係國際苦味單位，我飲啤酒一向都唔係好苦得，經過今日，透過The Madhouse，我卒之知道自己最愛既IBU係幾多；丫，仲有，比較特別既係Menu仲有埋啤酒既顏色，仲要係in colour jpg.嗰隻，認真夠哂詳盡。呢度最啜核既除左外國入口得嚟又款多既手工啤之
近年興起飲手工啤酒，本地品牌嘅手工啤酒更加有如雨後春筍，自己亦都試過唔少本地嘅品牌，手工啤酒比起商業啤酒層次更加豐富，口感變化更大，而我亦都不知不覺咁樣愛上，知道呢間主打外國入口嘅手工啤酒專門店啱啱開業，就即刻捉住老友嚟試一下。
呢間小酒館位於旺角核心既外圍，就喺亞皆老街行上火車站嗰堂樓梯既對面，盡吸人流之利，旺中帶旺；酒館既裝潢帶啲RAW RAW地既路線，牆身主要由水泥色扇灰牆同埋仿磚牆構成，酒館既中間係兩張淺木色長BAR枱，右手面係一列蘋果綠色既梳化椅，加上富有情調既燈光與及工業風既燈罩，氣氛不俗。
望向盡頭見到一部氣勢磅薄既啤酒機，見部機有成廿個出啤酒既咀咀，花心既我即刻暗喜，啤酒機上面個燈箱係各款手工啤既 Menu，上面既資訊非常詳盡，除左有啤酒既類型，名稱，品牌之外，仲有ABV同埋IBU，ABV係啤酒酒精既濃度，而IBU就係國際苦味單位，我飲啤酒一向都唔係好苦得，經過今日，透過The Madhouse，我卒之知道自己最愛既IBU係幾多；丫，仲有，比較特別既係Menu仲有埋啤酒既顏色，仲要係in colour jpg.嗰隻，認真夠哂詳盡。
呢度最啜核既除左外國入口得嚟又款多既手工啤之外，就係可以先試一小杯先至再落order，喺香港既酒館相信唔係咁多間有呢一樣咁貼心既服務，完全喚醒左我去瑞士同埋澳洲嗰陣，參觀各個大細酒莊既感覺；侍應先生好多時都喺我地旁邊，親切咁介紹酒館既啤酒同埋喺啤酒背後既故事，淺至IPA既印度英兵，深至每一隻啤酒獨特既香氣口感，都鉅世無遺；試完之後，能夠選擇自己最喜愛的，喺今時今日既香港，彌足珍貴。
品酒亦由淺入深，先試一試號稱完全不加任何色素與及香料既cider 先，cider 我飲開Somer字頭既商業品牌，除左覺得甜左啲之外，一直都尚算滿意，點知今日試過呢個全智賢既，嘩，真係不得了，令到我一直被商業嘢ill treat既味蕾得到對自我重新審視既機會，無論蘋果味同黑加侖子味都有一隻不吃人間煙火咁清麗脫俗既感覺，我對呢一對喺手中既半圓形物體，愛不釋手。
佐酒小食方面同樣揀左清新既慢煮雞上腿配微辣意式鮮茄醬，起骨既雞上腿只用左簡單既鹽同香草嚟調味，經過慢煮之後雞腿肉嫩滑無窮，底下加左啲薯蓉作點綴，配上微辣而清甜既鮮茄，嚟呢度就算唔飲酒，淨係食呢個慢煮雞都經已值回票價。
第二round就嚟啲強勁既，試左幾隻之後揀左呢隻味道複雜既Sumbel，呢隻黑啤既酒精濃度唔算高，好讓舌頭能夠盡情地與啤酒纏綿；最後嗌多個重口味既
爺爺滷水牛筋作結，滷水牛筋滷得入味，呢度既滷味並唔係潮式嗰隻滷到腍滋滋嗰啲，我偏愛佢留有點點既咬口，有少少似軟骨既口感，用嚟餸啤酒，一流。
飲埋最後一啖啤酒之後，我埋完單行出門口，心裏面已經開始盤算下次嚟要試邊一隻啤酒鳥。
張貼
