Sky726

前一日打風又落雨，所以人全留係屋企唔出街。過了一天，天氣好轉了一點，於是急不及待相約朋友去街同食嘢。同朋友相約在旺角聚會，就馬上想起呢間餐廳，於是就一齊黎了。我地叫咗兩份set lunch，侍應生首先送上餐包同餐湯。今日既餐湯係周打蜆湯（加$15），里面有各種海鮮，飲落好鮮甜，加埋面包（香草同墨魚汁味）一齊食，好滿足。跟住就係主菜，我地兩份都叫咗燒牛肉華多夫沙律（set lunch $78)，燒牛肉肉質好淋，完全冇渣，超正 ，配上新鮮沙律菜，好fresh吖，再配以脆脆原粒既合桃，合桃份量都幾多，同沙律一齊食好夾，有畫點睛既感覺。餐茶叫咗凍檸茶，味道可以。最後特別值得一讚既係侍應生係全程都能保持笑容，無論點菜，上菜，收碟都好快手，能保持水準。