更多
2018-08-06
110 瀏覽
呢間鋪頭聽朋友講得多,今次都係第一次嚟。聽朋友講話佢有lunch set,所以就同媽媽走嚟試下。佢個lunch set都幾豐富,可以簡沙律or湯,我哋簡咗蘑菇忌廉湯,而且茶都有幾款,我哋就要咗伯爵茶。主食我哋簡咗肉醬意粉,同埋辣虎蝦扁意粉,仲有一個牛奶奶凍送,超正。佢d意粉真係超好食,不過坦白講,份量比較少,我個人比較中意虎蝦意粉,因為佢真係真材實料,煎得好香口,而且d意粉煮得啱啱好又入味,好有咬口。不過我最中意就係個奶凍,佢上面d果醬唔會過甜,酸酸地,配埋d滑lulu既奶凍一齊食,超正,不過都係嗰句,份量太少唔夠食,下次嚟一定要試多d呀。
張貼