洛煮意 (已結業)

陪朋友去先達放機，順便去附近食埋晚餐，經過新之城，見到有間食意粉的餐廳，價錢合理，加上朋友想食意粉，入去試下。餐廳主要是食意粉及奶蓋飲品為主，還有些小吃。因為不太肚餓，我們先點了個煙三文魚沙律，沙律菜切得比較碎，配上油醋汁，酸酸甜甜，十分開胃，煙三文魚味道普通，一般超市貨式。見隔離枱的小食拼盤外觀吸引，而且份量頗多，我們都叫來試試，有甜酸雞翼、烤腸、薯角及炸芝士粟米大蘑菇，其中炸菇最為吸引，外層用麵包槺包著炸得香脆，裏面釀了芝士粟米，蘑菇有豐富肉汁，非常juicy。其他小食都新鮮熱辣，做得不錯，而且份量十足。最後加多了一個蒜片墨汁魷魚野菌忌廉墨汁意粉，墨汁意粉軟硬適中，有淡淡的蒜香味，而且很creamy，意粉雖然配料不多，但十分爽口。我再叫了杯紫薯沙冰奶蓋，紫薯既香且滑，不過比較杰身，且不太解渴。