申子居酒屋

營業中

休息中

最近收工行過見到一間望落都幾神秘既居酒屋，見未試過就打算入去chill 下～餐廳裝修以木質為主好日式，燈光氛暗好有feel! 好似真係去左日本啲居酒屋咁🥰-餐廳都有提供各種日式料理，由前茶到串燒，鍋物都有！我地都係入面嗌左幾樣野食😋🥢蓬鬆玉子蛋卷好厚身好鬆軟，保留左少少蛋汁唔會整到好乾，面頭醬汁有啲大阪燒風味，中間仲有大量芝士超拉絲！🧀🥢拖羅海膽卷面頭既海膽同拖羅蓉比得一啲都唔手軟，大舊到一啖食唔哂😂入面包住魚皮，口感食落好有層次好豐富🤩 🥢牛舌芯牛舌芯大大粒好有咬口，一啲都唔韌，旁邊有鹽，柚子醬同檸檬可以自由調味，推介可以吱啲檸檬汁再加柚子醬最好食！😚 🥢吉列三重芝士千層豚肉一上枱果下直接哇左岀聲😂 芝士多到爆哂岀黎，完全覆蓋左舊豚肉，食落超級邪惡！-居酒屋比我既印象係淨係飲酒食小小下酒茶，唔可以當晚飯食，點知今次試過之後真係改觀🤣好中意呢個氛圍，有機會都會再去