女人街食飯公司

營業中

休息中

呢間仿懷舊大排檔已經唔係第一次到訪，除因菜式好味有鑊氣外，環境仲好有氣氛，所以食極都唔厭。🥢招牌杏汁燉豬肺（$188）一打開蓋，即散發出勁濃杏仁味，湯呈奶白色，味道十分香甜且勁重膠質，燉盅內更有瘦肉、豬肺及白果，簡單蘸豉油已好好食。🥢金銀蒜蒸大元貝（$96）元貝大隻啖啖肉，鮮甜又彈牙，粉絲於清蒸後吸收咗元貝鮮味，配蒜蓉及豉油同食確實正到不得了，絕對係靈魂所在。🥢魚湯勝瓜浸花甲王（$158）魚湯清甜帶濃香魚味，勝瓜軟腍且外皮有咬口，另花甲尚算大隻，味道鮮甜又無沙，整體味道清清地，不錯！