影片
更多
2023-06-08
94 瀏覽
成日聽到人去食申子，今次就有機會約到朋友一齊黎食下宜間居酒屋。平日晚市時間都好多人，最好預約。蒜片牛柳粒牛柳粒同蒜片一齊汁煮，煮到五成熟，香氣十足，食落肉質滑嫩又軟稔，濃郁既牛味之中又食到醬汁味香濃，不過比較細碟，唔夠喉。三重芝士吉列千層豚肉即叫即製，幾層豚肉同芝士相夾之後拎去炸，出黎既效果就係外面有香脆金黃既吉列炸皮，入面係熱辣辣，層層溶左既芝士係豚肉之間滲出黎，夾起件件都拉絲，十分邪惡，食落豚肉嫩滑，脆皮鬆脆，仲有軟綿綿既芝士，口感豐富。重點係都幾大份，可以同幾位朋友開心share。申子新卷壽司飯團上面鋪左吞拿魚蓉，海膽同三文魚籽，鮮味十足。飯團中間卷住左一小塊似係紫菜既野，我地原本覺得怪怪地係咪漏左卷住其他材料🙈不過之後上網睇返原來應該係炸魚皮黎，比較細塊唔係好食得出。日式雞槌花蝦十分之特別既小食，雞槌既外層舖滿櫻花蝦之後炸到金黃香脆，中間仲加左墨魚滑，咬落少少彈牙既質感，配埋沙律醬食冇咁油膩，入面既雞肉仲好juicy。。。申子居酒屋旺角黑布街74-76號藝興大廈地下1號舖。。
蒜片牛柳粒
牛柳粒同蒜片一齊汁煮，煮到五成熟，香氣十足，食落肉質滑嫩又軟稔，濃郁既牛味之中又食到醬汁味香濃，不過比較細碟，唔夠喉。
三重芝士吉列千層豚肉
即叫即製，幾層豚肉同芝士相夾之後拎去炸，出黎既效果就係外面有香脆金黃既吉列炸皮，入面係熱辣辣，層層溶左既芝士係豚肉之間滲出黎，夾起件件都拉絲，十分邪惡，食落豚肉嫩滑，脆皮鬆脆，仲有軟綿綿既芝士，口感豐富。重點係都幾大份，可以同幾位朋友開心share。
申子新卷
壽司飯團上面鋪左吞拿魚蓉，海膽同三文魚籽，鮮味十足。飯團中間卷住左一小塊似係紫菜既野，我地原本覺得怪怪地係咪漏左卷住其他材料🙈不過之後上網睇返原來應該係炸魚皮黎，比較細塊唔係好食得出。
日式雞槌花蝦
十分之特別既小食，雞槌既外層舖滿櫻花蝦之後炸到金黃香脆，中間仲加左墨魚滑，咬落少少彈牙既質感，配埋沙律醬食冇咁油膩，入面既雞肉仲好juicy。
。
。
申子居酒屋
旺角黑布街74-76號藝興大廈地下1號舖
。
。
張貼
