一生懸麵

營業中

休息中

之前已經好想試下呢間拉麵店， 但每次去都好多人排隊無食到， 今次同個fd咁啱旺角行完街早少少食晚飯，6點鐘已經有幾枱客人喇。好彩我地早到，可以即時入座。餐牌唔算多選擇，有5款拉麵、4款沾麵同小食。見好多人都推介海老系列，我同朋友都各自點左海老拉麵同埋海老沾麵。海老拉麵 $88海老沾麵 $85蝦湯超濃郁，入面仲加左好多櫻花蝦同埋幾粒豚肉添。麵可以選擇軟硬度，而我就揀左標準，有少少彈牙。配料有叉燒、糖心蛋同埋荀絲，叉燒表面有燒過更香口。拉麵湯會比沾麵淡身啲, 鍾意口味濃的朋友可揀沾麵。煎餃子 $29正常發揮，煎得幾香口雞軟骨棒 $29軟嫩免治雞肉加埋爽脆雞軟骨好有口感, 上面淋左沙律汁同燒汁味道幾夾, 唔錯蜜桃烏龍冷泡茶$ 18呢枝茶好好飲好香，蜜桃味都幾出同埋一啲都唔假味, 食完濃味嘢最啱飲，可一解油膩感。