阿木台灣麵 (豉油街) (已搬遷) 新店位置

人氣台灣小店每次經過呢間小店都好多人排隊，趁老公平日放假又系我地兩個搵食既時候，呢日黎之前已經向apps攞定飛，我地就邊行街邊等位。我地點了紅燒牛肉麵、麻辣拌麵便當配台灣小香腸兩個小食鹽酥雞，鹵水牛肚絲；飲品就點了珍珠奶茶，檸檬四季春青茶（熱）。🐮紅燒牛肉麵🍜份量比較多，牛肉大舊得黎仲非常淋身，麵彈牙又掛汁，湯底好重牛味，飲完一啲都唔好口渴。涼拌既菜甫，蛋，豆卜花生都好食🍝麻辣拌麵便當台灣小香腸麻辣拌麵有份外驚喜，未撈勻前淨係望醬汁覺得會好辣，但食落只有麻麻地帶少少甜既感覺，好味呀。份量同樣十足。小香腸多汁夾埋蒜片一齊食，正👍🍗鹽酥雞熱辣辣啖啖肉還帶有少少肉汁，炸粉唔太厚，曬左少少鹽酥雞調味粉就香味出晒黎。🐮鹵水牛肚絲爽口又入口，細細碟份量都較多至於珍珠奶茶🧋略為淡左少少，檸檬四季春青茶（熱）🍵，青青地算好飲。太多野想食，我諗好快又會再來食過。呢度除左食野，門外面仲有好多台灣小食，麵，茶包，醬料比你買番屋企慢慢嘆。