串Grill 自助燒烤專門店 (廣華街) (已結業)

平時出開旺角，諗食咩花多眼亂，甘岩行到廣華醫院附近，見到呢度有串燒食，仲要係懶人燒烤，二話不說就入去試試。燒烤種類分門別類好晒，而且仲有埋每樣野要燒幾耐既表，方便我呢啲懶人。調味料都有好多選擇，可以按每個人自己既喜好調味。燒烤重頭戲當然係食肉，個人推介和牛牛柳同烤五花，叫左幾轉都係食佢，肉味濃而且啖啖肉!雞翼都好唔錯，拆做單骨雞翼，而且雞翼夠厚肉。另外蔬菜方面，推介燒豆卜同雞軟骨，燒到脆卜卜岩晒中意食香口野既朋友。平平地既價錢，食物選擇多，加上又會自己轉下轉下，岩晒懶精。