半熟工房 (港鐵大埔墟站) (已結業)

尋日買左2個牛角包返公司做早餐，返到公司仲有餘溫，但係都用微波爐加熱20秒，等佢變番岩岩出爐嘅狀態。火腿芝士牛角包原本以為俾我叮完後芝士會溶左，但係出到黎又無溶到，而食落去芝士味都好重，好食。火腿同芝士都比較薄，感覺牛角包係主角，餡料就好似配菜一樣。不過唔知係我番叮佢定本身係舖頭要焗得耐，包有少少燶，火腿就硬左啲。整親都幾好食黑松露炒蛋牛角包相比起芝士火腿牛角包，黑松露炒蛋牛角包就好食好多，雞蛋炒得都幾滑，黑松露落得唔多，只有淡淡嘅黑松露味，就算唔鍾意食黑松露嘅人食都唔會覺得好難食。而且炒蛋就比較大份，所以每一啖都有松露雞蛋，口感豐富。而且呢個包就冇之前嗰包咁燶，整體好食過之前嗰個好多。