更多
2018-01-30
101 瀏覽
近來慶食芋圓,所以睇到廣告,就把心一橫走到深水區搵呢間前身係涼茶舖嘅甜品店試一下佢推出嘅芋圓甜品。行咗好耐,終於搵到,都算易搵嘅,因為佢喺大街旁邊 ,基本上附近嘅店舖都已經關門,就只有佢呢間有非常光猛嘅門面。外面企咗十幾二十個人,大概當時係九點,所以我同朋友決定買外賣返屋企食。買咗一凍一熱嘅仙草芋圓外賣,外賣有膠盒裝住,可能天氣太凍嘅關係,熱嘅芋圓甜品返到屋企變暖了。另外亦包咗兩盒仔甜奶,係溝咖啡飲嗰種。溝落去,味道適中,啱啱好。材料方面,有涼粉、西米、芋圓、小丸子、珍珠等等,都算幾足料,對得住25蚊呢個價!
張貼