瀛豐放題料理專門店

今日放咗工同一班朋友相約銅鑼灣食放題，呢間放題超有特色，除咗日本菜仲係fusion泰國菜，餐廳雖然做放題，但環境都非常闊落，好多卡位而家少少錢仲可以升級放題凍海鮮拼盤任食，拼盤入面都好多款式，有長腳蟹，鮑魚，螺，凍蝦，仲有就就係超矜貴既魚子醬，而且仲有海膽帶子任食，海膽濃稠感十足，帶子非常大粒，厚肉，爽口鮮甜，頂級刺身level刺身都有好多選擇，分別有三文魚，油甘魚，珍寶赤蝦，希靈魚，八爪魚🐙，鮑片，馬刀貝，赤背，北海道螺，刺身都好新鮮，三文魚腩非常肥美，油脂感爆，油甘魚魚肉白皙有彈性，脂肪含量適中，口感清淡略帶甘甜熟食方面，有泰式料理選擇，冬蔭公，沙律鳳爪，串燒，炒菜金邊，炒蜆，炭燒豬頸肉，其他仲有壽司，日式燒物，天婦羅🍤等等出面自助式，有好多汽水同無糖飲料，仲有啤酒黑啤，仲有自助甜品櫃同雪糕櫃，甜品最驚喜係有榴槤糯米糍，鍾意食榴槤嘅朋友絕對唔可以錯過