長阪燒 (已結業)

女朋友話今年冇得去日本，不如食間好味嘅日本餐廳等自己心情好啲啦！又岩喎，食完長阪燒，人都開心啲😋😋串燒日本雞肉大葱串用上燒汁去燒，不但惹味可口，而且雞肉十分嫩滑，配上日本大葱，口感層次即時提升不少，而且又唔會覺得膩，十分好吃。串燒雞腎雞腎肉質彈牙有口感 ，嫩滑多汁，完全唔會燒到乾爭爭，正👍🏼燒牛舌平時都好鍾意食牛舌，呢個牛舌簡直無得彈，夠厚身之餘，表皮燒到略脆，牛味濃郁但又唔會過韌。燒活海鰻肉質本身已十分高質素，不但結實爽口，更有濃郁鰻魚味，再經過師傅巧手燒烤，令到海鰻表皮略脆，但仍能保持肉質嫩滑，簡直是神來之筆。劍魚腩刺身肉白略帶漂亮的淡紅色，肉質柔軟脂肪多，鮮甜而不油膩，口感新鮮嫩滑。松葉蟹膏多士一上枱已經好吸晴，蟹羔鮮甜味美，鹹鮮味剛好，配搭濃郁牛油香味嘅多士，出奇地夾！燒三文魚飯團、燒明太子飯團最後叫咗兩個飯團，飯圑外脆內軟，配料好足夠，師傅手勢一流，飯唔會鬆散，食一個都夠飽