富士山 (已結業)

疫情下都要吃飯， 但盡量都唔去人多嘅地方啦。 今晚去呢間日本餐廳坐位與坐位間都有一定距離， 入門前仲要探熱同用消毒酒精搓手！ 坐底後， 望下個menu覺得同MK嘅日本餐廳差唔多， 但食落相當有驚喜！兩個人叫咗幾樣野，大部份都好啱口味！小樽丼 - 其實望到個menu都有其他想食， 但見佢呢個價錢有蝦、有蟹、有帶子、仲有兩塊魚生就決定試一試。 上枱時， 發現有四隻蝦， 材料好充足， 性價比好高！日式牛肉炒稻庭烏冬 - 味道食落其實有小小似乾炒牛河， 但味道多咗一種日本風味， 烏冬都好彈牙， 唔錯！流心芝士薯餅 - 好重芝士味、有拉絲！ 而薯蓉亦都好香滑！消酒煮蜆 - 蜆冇沙， 鮮甜， medium size， 味道唔會太濃或太淡， 同埋待應話佢地係成個沙鍋原個煲出嚟， 要小心熱！燒玉子 - 呢個相對就普通咗小小，蛋算滑， 唔會煮到太老， 但個人麻麻地個燒汁！ 燒雞翼 - 味道極好， 熟道啱啱好， 好juicy, 雞肉亦都好滑。 價錢合理， 初時覺得佢同旺角個堆日式料理差唔多質素， 但食完之後發覺呢間餐廳質素好高， 下次再嚟要食埋燒物！