富士山 (已結業)

牛肉火鍋配稻庭烏冬 $70俾同事笑我食個lunch 都咁大壇野…😮‍💨 其實佢只係一個牛肉烏冬… 不過生勾勾咁上枱咋嘛… 不過70蚊有得打邊爐，都幾抵嘅😂 今日咁凍，食完個烏冬，成個人都暖笠笠，即刻頭都無咁痛！呢間餐廳都幾抵食！大部份午餐都係49蚊連野飲！雖然只紙包飲品… 但50蚊唔駛，銅鑼灣去邊度搵？？！我個同事食左生薑豚肉便當，大大份肉，仲有刺身同前菜，最得意係跟左個炸燒賣沙律😳😳😳😳 銅鑼灣番工嘅lunch 可以去試下~ 

#大食小公主銅鑼灣區出動👸🤪 🚩關東壽喜燒 （雙倍肉）$136我朋友見到呢個套餐即刻就話要嗌呢個仲要雙倍肉就更加滿足啦呢個壽喜燒入邊嘅材料都非常豐富有豆腐 金菇 芋絲 烏冬 冬菇 蘿蔔等等個湯都非常之好飲同埋有浸甜甜嘅豉油味牛肉都好食值得一試❤️😆😍🚩火炙壽司10貫盛 $88其實除開都係$8.8一件又可以試到唔同嘅款式我覺得係可以一試鍾意食火炙嘅朋友千祈唔好錯過有三文魚 赤蝦 玉子 鰻魚 魷魚 皮下脂 象拔蚌 蟹柳 牛肉 鯛魚 10款壽司非常滿足👍壽司下面會有少少芝士令到成個口感更加好味🤟🏻🤟🏻🤟🏻🚩雞軟骨 $32 （八折後）雞軟骨就偏細粒少少而且份量都係少啲🥺🥺但都係熱辣辣脆卜卜嘅🚩鹽燒牛舌燒 $36（八折後）個牛舌超級好食‼️‼️‼️‼️首先系一個厚切嘅牛舌令到口感提升咗好多而且非常Juicy唔需要任何調味一嚿好食牛舌只需要普通嘅鹽已經好足夠😆😆👍👍🚩 鹽燒鯖魚 $32 （八折後）燒得好香☺️☺️☺️即是攤凍咗都係好好食不過有少少骨要注意下😆😆😆

今次係第二次食呢間餐廳，對上一次質素都ok，而且食午餐都都只係49蚊 仲要包埋飲品。上次食係好正常，舊三文魚係我認識嘅三文魚。不過今次，真係好唔掂！！我同朋友都叫咗碗雜錦魚生丼，望落好正常，食到三文魚個陣，我呆咗… … 咩嚟？我未食過咁嘅三文魚生，連皮食？三文魚皮可以生食㗎咩？碗飯有兩塊三文魚，食第一塊都係近皮嘅位，吐咗所以就唔影啦，呢塊係第二塊，都係皮嚟。而朋友個碗，都係三文魚皮嚟。我覺得49 蚊都唔可以話好高要求，不過呢塊三文魚皮，過份咗啲囉 ，一係你細舊啲，一係就加價，比塊咁嘅嘢？呢間餐廳，食熟嘢可以，不過生嘅就不了。

銅鑼灣 平民日本餐廳🍴貼地價錢 性價比高😃銅鑼灣E出口呢一間舖頭裝修比較特別，性價比極高，當中會包括$49特色套餐。包埋紙包飲品或者罐裝汽水🥤非常抵，適合一家大細去。1. 壽司六件跟冷稻庭烏冬$49呢一個套餐其實都只係得六件，包括吞拿魚，北寄貝，甜蝦，三文魚。另外本人就額外加多有關北寄貝刺身，同埋兩件三文魚🍣所以你會見到圖片入邊有比較多份量。佢哋都會放埋一齊🤩冷庭烏冬，比較好食😋份量亦都比較十足，上面亦都鋪左有關嘅紫菜，再加上一盒紙裝嘅檸檬茶👍🏻配搭一流。好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻👍🏻- 推介：👍🏻👍🏻👍🏻👍🏻地點：銅鑼灣記利佐治街1號金百利廣場7樓3號舖名稱：富士山 Fujisan

2人餐 （原價: $298 折後含加一:$253）🔸前菜三款 (芥末八爪魚+吞拿魚蓉+螺肉)🔸刺身三點其中比較常見嘅日式前菜同埋刺身都齊曬😎分量同味道都非常合理,滿足到樣樣都想食少少嘅筆者😋🔸火炙丼火炙過既魚生油香四散,送飯一流🤤全個套餐表現最好既一樣,必食之選,不過份量就有D細🥲🔸牛肉豚肉鍋蔬菜同埋肉嘅份量十足😋,但係牛肉質素只屬中規中矩,不太突出🤕🔸吉列炸蝦&炸蠔炸得鬆脆,炸粉唔會太多,可以算係水準之上🥳🔸芝士年糕、日本芝士蛋糕芝士年糕甜度適中,加上有微微烤過,入口滋味~😍日本芝士蛋糕就相對一般,同於超市買到的水準相約🧐

怕多人就BOOK 定位黎到有卡位坐坐得好舒服呀點左~蟹子軍艦~海胆軍艦STAFF細心提醒要快DD食唔係紫菜會淋呀蟹子正常海胆朋友話幾新鮮呀~蟹子沙律想食下蔬菜底有大量菜同青瓜絲配埋沙律醬醬唔會太多又唔會太酸配合得幾好呀~火炙五貫有五種火炙既壽司有三文魚...帶子.....蝦.....饅魚同一隻唔知咩魚除左其中一隻唔知既魚腥腥地之外其他都好OK火炙完好香下次繼續再來呀

星期五既夜晚無book位，想喺銅鑼灣搵野食，一直都知呢楝大廈多野食，見到都幾多人讚好幾間日本餐廳，於是就walk in上黎試下。原本想食隔離果間，但要攞飛又要等，反而呢間無人排唔洗等，所以就試下呢間都有2人餐，都好抵喎，都幾多選擇懶得逐樣野食揀，就點呢個啦前菜揀左海鮮沙律，有d刺身喺入面，例如三文魚、油甘魚、蟹籽咁，味道正常料理揀左刺身三點盛盒，有三文魚、北寄貝同蝦，顏色都新鮮每樣2件另一個揀左吉列炸蝦拼蠔，呢個係新鮮炸好，外脆內軟食事揀左火灸雜錦魚生丼，呢碗唔算太大碗，不過面頭都鋪滿左魚生，火炙過之後香口d，不過唔落沙律醬仲好另一個揀左鯛魚鍋，好似一人打邊爐咁，呢個感覺幾健康，有蔬菜有魚有烏冬，幾好仲有甜品，2個都揀左北海道芝士蛋糕，都幾大件不過唔記得影相。賣單先知原來有75折，真係好抵

夜晚即興去咗食飯～為咗回味下同細妹嘅日本富士山🗻之旅，見到呢間位於銅鑼灣嘅「富士山」就決定去試吓，當自己去咗日本止下癮😆餐廳位置喺金百利，都好多年無去呢棟大廈食嘢～好味指數 😋😋😋😋⚪️打卡指數 📸📸📸◻️◻️性價比 🧮🧮🧮🧮⬜️餐廳環境 ♥️♥️♥️♥️🤍⭐️呢間日本餐廳一星期7日夜晚6點後入座都有75折❣️⭐️晚餐set 都有75折，不過今次想試多啲唔同款式，都係散叫吸引啲🤤❤️油甘魚黑松露汁薄造油甘魚好新鮮😍薄切口感幾唔錯～超鍾意個黑松露汁👍🏻非常濃郁～妹妹食到連汁都唔放過😆🧡活赤貝活赤貝好爽脆，食得出好新鮮🤤口感非常好👍🏻💛富士山丼丼入面有三文魚、北寄貝、大拖羅、三文魚子～仲有大隻甜蝦同海膽🥰🥰整體刺身都好新鮮，不過海膽相比新鮮度就差啲🤨💚牛油果軟殼蟹卷呢個卷可以叫半份嘅，非常貼心❤️～可以留返個quota試多啲其他嘢😆卷入面嘅軟殼蟹熱焫焫～應該係即叫即炸👍🏻💜牛油炒雜菇諗住食返啲蔬菜類平衡返😆味道普普通通～啲菇切得好細粒，食極都好似食唔完咁😅🤎北海道流心芝士薯餅芝士控會好啱～🧀份量都幾多😚但有啲膩⋯如果再食呢間餐廳就未必會encore喇～💙牛舌、雞軟骨串掛住食唔記得影相😂不過上枱都係熱焫焫～牛舌同雞軟

食物正常發揮，但如果冇折扣嘅話就真係唔抵食，同埋今次最主要講吓服務態度，同埋超荒謬經驗。首先，有朋友生日想去食日本菜，同埋睇吓邊度可以切蛋糕，咁我就係問清楚先去Booking，咁佢嗰度員工話唔收嗰啲咩切餅費，咁我都希望有啲心理準備問咗三次切餅費係幾多？跟住佢都冇答過問題就話唔收。佢話嗰陣時都繁忙時段你如果自己切埋蛋糕喺度食冇所謂咁樣，好笑嘅嚟啦，我話可以上蛋糕啦點知開始同我講話要切餅費，仲要係$50，然後我問返佢電話點解唔係咁講，佢答我冇呀俾你吹完蠟燭跟住拎返個蛋糕走？？？跟住仲有個員工最好笑叫我拎出走廊食😅我都未試過聽到呢啲嘢。咁最後朋友生日唔通唔食咩咁就俾咗$50啦，但係原來個$50就係俾佢遞上二個碟上嚟，跟住攞個蛋糕幫我插支勁醜樣嘅蠟燭就走咗？另外，要浸水原來要嗌三次仲要嗌到成間店舖都聽到但係其他台嘅客人就可以唔使問，係咪我食得少左係嘅話唔該出聲😂我想問係咪我比少咗服務費？仲有Booking嘅時候都問咗用餐時間係幾多，佢話俾我聽係有一個半鐘，點知未到一粒鐘已經吹左我三次要走，本來仲想叫啲嘢食，後尾都俾佢搞到完全冇心情😀仲好笑嘅係，唔知係串緊我呀定真係推銷？佢喺度話妹妹下次你食午餐

友人極力推介呢間日本餐廳，果然十分之高質！未入門口已經見到佢大大個招牌寫住6:00pm後入座有七折優惠，而家某D食肆要求客人打完針先有七折優惠，而呢間完全唔使任何要求就已經有，對於糧尾又想食下日本菜嘅人士嚟講真係非常吸引！友人推薦串燒係必食之選，果然，我地嗌左串燒牛舌、雞腎同埋芝士雞胸肉，味道相當之唔錯！之後我地又嗌左角切魚生飯、火灸壽司同一盤有魚子做點綴嘅魚生，每道菜除左賣相靚之餘(見圖)，仲好有鮮味~順帶一提，如果你即場post IG 同埋tag返"富士山"嘅話，餐廳會有一份壽司送返俾你，所以我地當晚又多2份壽司食lu~

琴晚去左銅鑼灣行街，經過金百利又見到傳單話呢間日本野75折就上左去簡單食😋角切魚生飯（$88)內裏魚生都幾大粒，種類仲好多添，有三文魚，吞拿魚，鯛魚，希靈魚，芥辣八爪魚同甜蝦，仲有好多大大粒玉子，味道唔錯朋友叫左鰻魚炒飯但我唔記得影，即炒熱辣辣都幾香既，但我都係覺得魚生飯吸引d🤣🤣佢仲有個promo, ig post 相會送一件壽司，但我野食黎左就唔記得左問，miss 左😂😂📍 富士山 (銅鑼灣)銅鑼灣記利佐治街1號金百利廣場7樓3號舖

👍呢度嘅set全部都係$49免加一，應該係香港絕無僅有嘅平價日本餐。🍣叫咗火焰三文魚同火焰雜錦飯，三文魚唔算多，切得好薄，口感入口即溶。雜錦飯正常水準，女仔份量都算足夠。

今晚即興想食日本菜上金百利望下呀見呢間餐廳做緊75折STAFF好熱情就入去試下呀仲要咁啱有窗口位位又好闊落下感覺良好點左~三文魚刺身兩客幾肥美下雖然望落顏色無平時咁鮮明食落又可以WOR~明太子露筍呢個幾特別咁明太子仲要份量幾多本身露筍唔重味沾上明太子後平衡左個味道仲感覺幾FRESH~鍋燒烏冬除左兩隻天婦羅蝦仲有冬菇...金菇....大量菜...雞旦...海帶我地將個旦搞云落烏冬湯烏冬沾左旦香另一個味道呀份量兩個人SHARE各一碗~牛油果軟瞉蟹卷半份要讚一讚佢有得叫半份人少少就唔駛食咁多可以試多D其他野呀軟瞉蟹係即炸既應該食到係熱既整體好不錯呀~雞皮兩串呢個好邪惡呀但又真係好好味黎到熱辣辣既咬落去FEEL到有油呀好香好香最衰一定要叫兩串唔係食少D過下引就算呀

其實本身就唔係食le間ge,, 樓下個promotor姐姐就話係x地.. 咁比個menu我睇 睇到個價ok,, d相又ok 就合埋眼比姐姐帶咗上去。後來個friend係x地搵我唔到先知原來間嘢叫富士山(同一層樓)😂好彩 都好味ge 而且價錢都好ok三文魚三味, 火炙五貫 同 鰻魚玉子卷都唔錯。未係 [] 但真心好ok。黑松露三貫有驚喜, 好香。而且份量都好足 魚生片帶子同魷魚都正常size。推薦。但燒雞皮就真係唔好嗌。太細塊, 又燒得有d lon, 苦苦地。服務都唔錯，加埋價錢食物質素都幾好，都會再去。le個promotor姐姐醒呀😂都叫無介紹錯。

Happy Friday，同朋友約食飯，揀咗富士山油甘魚配黑松露汁 $118油甘魚好新鮮，黑松露汁好濃郁大吞拿魚腩 + 3 隻活赤貝吞拿魚腩好肥美，活赤貝好爽脆，食得係好新鮮牛油果軟殼蟹卷味道正常魷魚一夜干送酒一流鵝肝多士 $58鵝肝好正，煎得好脆，但係多士比較淋甲羅燒蟹膏好濃，味道ok雞皮餃子呢個有驚喜，雞皮好脆，我哋有再encore 佢地既酒都好抵飲720ml 既酒都係 $410-$4301.8l 都係$780我地叫咗 2 支 720ml + 1 支1.8 l 真係飲飽食醉全單仲有75 折，真係好抵P.S 全店既侍應態度都好好，除咗一個女仔，我哋話想食燒海鮮，佢話冇鮑魚，我哋問可唔可以用其他海鮮代替，佢話問吓廚房，之後又冇咗回事，講嘢態度又差。其他店員見我哋叫咗咁多支酒，送咗雞泡魚干同埋串燒俾我哋食