影片
更多
2020-12-28
44 瀏覽
鬼金棒（尖沙咀）••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•特製辣麻味噌拉麵 （小辣小麻）$120•芫茜辣麻味噌拉麵 （小辣小麻）$110••••••••••••••••••••••••••••••♥️食評：先講特製辣麻味噌拉麵！雖然佢係味噌湯，但似乎味噌味唔係好重，叫咗小辣小麻好後悔！因為唔夠辣唔夠麻🥺🥺建議大家可以由中麻開始！相信唔食得辣嘅朋友都應乎到小辣～ 拉麵比其他拉麵粗，食落有咬口。配料方面，特製呢碗嘅餸有一隻溏心蛋、兩舊叉燒同一條粟米筍。而芫茜辣麻拉噌拉麵嘅湯底，對於芫茜愛好者絕對係天堂！！每啖都可以食到芫茜味～不過本身湯底比較濃味，朋友覺得如果有更多芫茜就仲正！😋不過芫茜呢碗無溏心蛋、只有一舊肉同一條粟米筍，想食蛋嘅朋友要額外加啦！唔知係唔係運氣問題，特製嘅兩舊叉燒都係肥瘦肥瘦一層一層咁疊住，口感味道都非常好！但芫茜嗰碗舊叉燒就麻麻地😣，無肥瘦均勻之餘有少少柴口🥺。溏心蛋今次好食，生熟程度啱啱好，食到有醬油味，蛋白都有彈性，唔
••••••••••••••••••••••••••••••
✄( •8• )✄( •8• )✄( •8• )✄( •8• )
••••••••••••••••••••••••••••••
♥️餐點：
•特製辣麻味噌拉麵 （小辣小麻）$120
•芫茜辣麻味噌拉麵 （小辣小麻）$110
••••••••••••••••••••••••••••••
♥️食評：先講特製辣麻味噌拉麵！雖然佢係味噌湯，但似乎味噌味唔係好重，叫咗小辣小麻好後悔！因為唔夠辣唔夠麻🥺🥺建議大家可以由中麻開始！相信唔食得辣嘅朋友都應乎到小辣～ 拉麵比其他拉麵粗，食落有咬口。配料方面，特製呢碗嘅餸有一隻溏心蛋、兩舊叉燒同一條粟米筍。
而芫茜辣麻拉噌拉麵嘅湯底，對於芫茜愛好者絕對係天堂！！每啖都可以食到芫茜味～不過本身湯底比較濃味，朋友覺得如果有更多芫茜就仲正！😋不過芫茜呢碗無溏心蛋、只有一舊肉同一條粟米筍，想食蛋嘅朋友要額外加啦！
唔知係唔係運氣問題，特製嘅兩舊叉燒都係肥瘦肥瘦一層一層咁疊住，口感味道都非常好！但芫茜嗰碗舊叉燒就麻麻地😣，無肥瘦均勻之餘有少少柴口🥺。溏心蛋今次好食，生熟程度啱啱好，食到有醬油味，蛋白都有彈性，唔錯。粟米荀唔算甜，不過拉麵有粟米荀都係一個幾特別嘅配搭。
••••••••••••••••••••••••••••••
♥️特色：有得揀辣度麻度嘅拉麵都幾得意，好似食米線咁！大家可以揀無、小、中、高及鬼增（另+$15）唔同程度。
另外，餐廳有啲鬼👹嘅擺設，配埋音樂，成個氣氛好好～
••••••••••••••••••••••••••••••
♥️小提示：要留意每款拉麵配嘅餸都有少少唔同～要睇清楚，唔夠就加配～另外，餐枱上只有七味粉可以自己加，不過味道已經好濃，兔兔覺得唔洗加了～
張貼
