鬼金棒

🍽 餐廳：鬼金棒 Kikanbo 📍 地址：香港九龍尖沙咀金馬倫道20號地舖 ⏰ 營業時間：11:00 - 23:30（實際時間以店家公告為準）💡 建議： 👉 拉麵可自選「辣度」與「麻度」，建議初次嘗試不要點太高。👉 味道偏重口，且味噌湯濃厚近似豬骨湯，略微油膩但入口層次豐富 👉 若對油膩感敏感，可要求分開湯與麵或減油。🗺️ 東京人氣麻辣味噌拉麵直送！！！來自東京的 鬼金棒，以「辣麻味噌拉麵」聞名，湯底融合花椒的「麻」與辣椒的「辣」，門外見到鬼金棒推出了新款式拉麵，作為莞荽控就入咗去試吓。店內延續了日本店的裝潢風格：昏暗木系氛圍搭配鬼面具與太鼓，氣場十足。辣度及麻度可自選，辣度則分成5個級別，由白碗的不辣、小辣、中辣，紅碗的高級辣，到黑碗的鬼辣。 🍛 莞荽辣麻味噌拉麵（小辣、中麻） 💰 價錢：HK$115  ［4.5/5.0 🌟🌟🌟🌟✨］「莞荽辣麻味噌拉麵」鋪滿大量香氣四溢的芫荽，湯底濃厚帶勁，融合花椒麻香及味噌鹹香，辣度雖然是「小辣」，但搭配「中麻」已經相當過癮。拉麵份量適中，麵條偏粗且煙韌實在，容易吸收湯汁，口感彈性佳，莞荽的清新氣味中和了湯底的油膩及濃烈感，讓口感更清爽，芫荽愛好者必試。配料方面有厚切叉燒，叉燒肥瘦比例適中，肉質鮮嫩入味，再搭配大量的芽菜，非常滿足。不得不說原來鬼金棒店名的日文原義來自成語「鬼に金棒」（おににかなぼう），意思是「讓鬼持有金棒（狼牙棒）」。鬼本身已經十分強大，若再拿上武器，更加無敵，這就在日語裡有如「如虎添翼」之意。「鬼金棒」也正正巧妙結合了拉麵上的配料，這碗拉麵的正中間也放了一支金棒 (玉米筍)、看到沒？！  ✨ 餐廳整潔、氣氛及服務 環境偏暗黑系，鬼面裝飾極具特色，充滿日式地下感，很有「主題店」氛圍。座位不多，偏緊湊，但翻桌率快。服務員態度專業，落單與出餐效率高。🗺️ 交通方式｜How to Get There 🚇 港鐵尖沙咀站 B2 出口，步行約 5 分鐘即可到達金馬倫道…查看更多

日本過江龍拉麵店《鬼金棒》，最出名係佢個勁辣嘅湯底，响好奇心嘅驅使下，就去一嚐佢個辣到底係有幾咁正。我到達時可能啱啱過咗lunch嘅高峰期，店內嘅客人唔算話好多。我叫左個大辣中麻嘅《莞荽辣麻味噌拉麵》，淨係見到佢大量嘅莞茜，就已經令我心花怒放，莞茜嘅芳香撲鼻，直接刺激味蕾，好想一嚐佢大辣湯底嘅味道。湯底十分濃厚，帶有賞心悅目嘅麻香味。雖然係點咗大辣，但唔係果種死辣，完全可以食到莞茜嘅芳香、味噌湯底嘅咸香、麻辣嘅麻香，味道十分細緻，完全帶出麻辣嘅激情。味噌湯底一向都係比較清同稀，但《鬼金棒》嘅辣麻味噌湯底就好濃、好厚，好似更加「杰」嘅豬骨湯底，「杰」到好似食沾麵咁，所以到最後我都係飲唔哂啲湯，未能夠對呢個美味嘅拉麵作出最後嘅敬意。麵嘅軟硬度適中，有彈性同口感極佳，加上個麻辣湯底，配合得天衣無縫。五花肉煮到好入味，厚厚一大舊，肥瘦剛剛好，肉質亦夠淋。本身我係諗住食佢個「鬼增」，但聽講「鬼增」同大辣係兩個唔同嘅level，所以忍一忍手，我諗下次可以一試呢個「鬼增」試下。…查看更多

以前好中意食鬼金棒，尖沙咀分店都食過幾次，但今次真係超級失望！辣味噌拉麵我每次都會嗌，今次小辣都太油，厚厚一層油係面，目測至少有4mm厚！油得太誇張了吧！好勉強地食咗4分1，真係油膩到食唔落。。。湯底好油好咸，沒有層次，係咁飲水都搞唔掂！舊豚肉好厚，但一大半都係肥膏脂肪，應該無人食得落。。。平日晚上店裡只有幾個客，鋪頭亦充滿好大陣消毒清潔味，真係唔開胃估唔到隔咗一排，質素已經差咗咁多，難怪無生意，亦不會返轉頭，真係好失望！…查看更多

老婆想吃拉麵，剛好經過就進去試一下。星期四的晚上，8點左右，店內只有幾個客人，店員都比客多了。湯，食唔出骨頭湯的香，只有味噌，麻，辣三個味道。肉，正正方方好大舊，肥瘦相間的瘦五花肉，但瘦肉位置煮到乾柴柴。蛋，蛋就是最好了，流心的。麵，食不出在日本食拉麵的感覺，拉麵好短身，唔彈牙，好似自己煮辛辣麵都比佢好。環境，黑麻麻的，吧台沒有都不讓我們坐，要坐一邊黑麻麻的桌子。服務，現在都沒什麼服務不服務了，自己掃碼點餐，枱面有水有杯自己來。…查看更多

鬼金棒係香港都開左好多間分店啦~今日就同朋友係尖沙咀行街，就入去試下啦🥰店舖嘅外觀一眼望落去就好有日式風情，招牌醒目又有特色，唔使特登去搵，行過路過都好容易被吸引住目光嘞😎門口嘅裝飾都好有心思，有啲日式嘅小物件擺放喺度，未入門就已經感受到陣陣嘅日本味道喇，真係好有氛围感呢🤩我哋就揀咗炒豆芽菜辣麻味噌拉麵同埋莞荽辣麻味噌拉麵，真係好有特色呀👍【炒豆芽菜辣麻味噌拉麵】個湯底融合咗辣麻味噌嘅獨特風味，味噌嘅醇厚鹹香同辣麻嘅刺激味道配合得相當巧妙🤤。炒豆芽菜嘅加入就令整碗拉麵口感更加豐富，豆芽菜嘅爽脆同拉麵嘅彈牙麵條一齊入口，會有好特別嘅口感碰撞，而且豆芽菜吸收咗湯底嘅味道，每一口都充滿住濃郁嘅辣麻味噌香氣，真係好過癮呀😎【莞荽辣麻味噌拉麵】對於中意莞荽嘅朋友嚟講，呢款拉麵簡直係福音呀😍。湯底嘅辣麻味噌味依然醇厚，而大把嘅莞荽鋪喺拉麵上面，令整碗拉麵散發出獨特嘅莞荽清香，同辣麻味噌嘅味道相互交融，食嘅時候既有辣麻嘅刺激，又有莞荽嘅清新，好有層次感。麵條依舊保持住好有彈性嘅質地，吸住湯底嘅精華，搭配埋其他配菜，成個味道真係令人回味無窮呀🥰。兩款拉麵嘅配菜都好新鮮，叉燒肉依舊燒得金黃，外脆內嫩，肥瘦比例岩岩好，一咬落去肉香四溢🥩。溏心蛋嘅火候亦都掌握得好，蛋黃呈半流心嘅狀態，口感軟滑，同拉麵搭配埋一齊，令整碗拉麵嘅口感同味道都錦上添花嘞👏服務方面亦都冇得彈呀🤝唔明嘅地方，佢哋都好耐心解釋。落單之後出餐嘅速度都好快，唔使等好耐，一碗熱辣辣嘅拉麵就擺喺你面前嘞😋就算有啲特殊嘅要求，好似唔要某啲配菜呀，或者想要多啲湯呀等等，店員都會好樂意幫你去處理，全程服務都好周到，令你可以好舒服噉享受用餐嘅時光呢🥳總括嚟講，呢間日式拉麵店都好值得一試，無論你平時有幾挑剔口味，都不妨嚟試一試，相信你試過之後，都會好似我一樣，會想再去幫襯多幾次嘅啦🤗…查看更多

鬼金棒咁大名，個個都好熟悉啦。不過我本身如果食日式拉麵我係唔太喜歡食辣口味，而鬼金棒嘅menu所有款式都係本身辣 (雖然你可以揀唔辣)，所以一直都好少幫襯。不過，因為响香港值得食嘅店我都食到七七八八，或八八九九了，所以都係集郵心態食一食佢。《炒豆芽菜辣麻味噌拉麵🍜》香味 (3/5) - 因為我叫嘅係炒豆芽菜拉麵，原先我會期望一上碟會勁大陣鑊氣味，但又真係冇乜。我其實都唔係好明，我坐吧枱，有見到個廚用生鐵鑊，大火大火咁去炒d芽菜，但d芽菜真係聞唔出有特別鑊氣味。我會估計兩種可能性：一，個芽菜原先太多水份，火雖然夠大，但炒得唔夠耐，所以水份仲係太多；二，炒嘅油可能唔係豬油，用左d健康但香味唔夠嘅植味油。點都好，香味係唔夠，只有基本嘅味噌香味，單調左d。湯 (4.5/5) - 先講，我叫嘅係小辣小麻。湯方面我比好高分，因為，辣，麻，味噌，蔥，蒜，薑，味道令人意外地平衡，冇話邊個搶左fo。湯本身濃稠度其實唔高，色澤唔算太深色，而且鹹度又適中。原先我仲擔心太濃太鹹，結果白擔心一場。特別一提，味噌嘅濃度係頗夠，濃，香，甜，䶢，辣，全部齊。另外仲有一個小驚喜，湯入面仲加左背脂，不過老實說，我食嗰刻係唔知，到我睇返相先知，明顯地有白色一點點。背脂本身嘅味唔係凸出，加埋落碗麵道，對味道影響不大，不過誠意分有加。麵條 (5/5) - 中太麵，小曲，咬口十分足，色澤小黃偏白色。雖然個湯都偏濃味，只要你keep住咀嚼，個麵味會越來越出。我比滿分最主要嘅原因係，佢配個湯真係好夾。一般味噌拉麵，都會用中曲，中加水，麵色偏黃嘅中太麵，質地會偏硬，不過呢道就唔係咁，所以我認為麵好夾個湯之餘，仲頗有個性 。配料 (3.5/5) - 主角，哈哈，當然係形象擔當，除左”鬼”👻之外，就係條”金棒” (珍珠筍) 😂 講返正經，珍珠筍除左個樣算幾靚仔之外，係冇乜特別，亦好難好特別。另一位主角，當然係芽菜啦。不過求先都講過，芽菜炒得唔夠香，但基本質素係有，夠爽口，份量都幾足，連埋d麵一齊食又係正。豬叉燒方面，上碟時我一睇👀，以為係普通角煮，我錯啦。。。佢遠超我預期。部份係豬五花腩，調味係東坡肉風味！醬油，糖，黑醋嘅味非常之出，而且塊肉炆煮得好腍，完全係高質。溏心蛋係最令人失望嘅配料。。。則係咁，雖然蛋本身生熟度，蛋味都係正常，但最大問題係溫度，入口係偏凍 😫我明白可能有d料用唔晒係會雪起佢，避免造成浪費，不過整返熱係基本吧？呢個扣左分。最後，飲剩少少湯。唔係飲唔到，只係為走得更遠鋪路 😂 (避免攝取太多鹽份)，加上其實都好夠皮。整體 - 值得推薦 👍👍👍可能有部份人會認為，連鎖店就係唔好，要隱世小店先叫正，但我唔係咁認為。連鎖店往往一開初都係由小店做起，肯定係好食，受歡迎先做大。而鬼金棒嘅分店就算唔及d超級連鎖店咁多，但都唔少架喎，日台港都有，加埋都有十幾間。以連鎖式經營嘅店黎講，我覺得鬼金棒算係保持到一定質素，整體味道絕對係中上有餘。唯一要彈一彈嘅係d職員嘅態度，唔微笑，低頭工作，比人感覺好唔精神亦好唔友善。…查看更多

Randomly searching for a ramen place in Tsim Sha Tsui, ending up this popping out. This restaurant was located in city centre and easy to find. No reservation can be made but easy to get a seat. We were sitting along the bar. Water was self served. We made the order via QR code. Easy and user friendly.Poached egg pork ramen came first. Looks absolutely delicious. Could literally smell the meatiness. Pork was half fatty and half lean. It was moist and tender. Fatty part could melt in my mouth. Ramen was in appropriate portion and well cooked to my selected hard side. Broth was incredibly savoury but not oily. Love the spice level which i went for medium. Very fragrant. Egg was well cooked even the runny yolk absorbed all the flavour.My friend's one was almost the same but the coriander one. It was a mountain of coriander. It was so strong that even I could smell it while the noodle was placing beside. Rest was pretty much similar to mine. Pan fried dumplings were absolutely delicious. I love Japanese dumplings so much because of the crispy bottom and the thin wrapping. Not even oily at all. Stuffing were just right. Half meaty and half chives. Everything was just right. Overall, perfect place for a quick delicious meal. …查看更多

先介紹一下自己先，我係食譚仔三哥雙特辣都覺得唔辣嘅人🤣所以以下嘅食評大家自己斟酌下🤣🙏.嗜辣嘅我每次都係叫最辣嘅🤣但我好想講佢哋個湯底真係熬得好濃郁Creamy，辣同麻係唔會炒埋一齊，條脷最終係會麻痹，但呢種麻痹係爽嘅😎同時亦都眼見喺香港其他過江龍都越做越差，得鬼金棒依然冇令我失望，所以點解每次想食拉麵我都係會去鬼金棒.如果大家鍾意食拉麵嘅話，不妨去支持吓，亦都建議同我一樣食得辣嘅朋友，真係可以不妨大膽啲嗌勁辣，包你話我冇介紹錯🙉💕…查看更多

鬼金棒喺香港都好多年啦，最近更加喺旺角逆市開咗新分店，終於第一次去食，簡直係中伏😐😐炒豆芽菜辣麻味噌拉麵 $105首先拉麵嘅湯底望落好濃，仲有一層香油係表面，深橙色嘅辣味噌湯底賣相好吸引，但食落味道勁勁勁普通，越食越鹹，蓋住曬本身要有嘅辣味同麻味，好單調又冇層次，最後淪落到又鹹又油😓🤢叉燒唔係一片片，而係一塊正方形嘅五花肉。滷得入味但係瘦肉部分好乾，有啲似湯渣😪失望🤢炒豆芽菜同拉麵麵質都係好普通，結論就係試一次都嫌多😅去食碗辣米線仲開心-完全唔知間野出名嘅位係邊度，見到openrice有成700個like真係好難捉摸，定係佢有獨特嘅食法只係我唔識叫🤧？…查看更多

<味玉麻辣噌拉麵🌶️ 💲105> 我第一次食鬼金棒嘅味玉麻辣噌拉麵，湯頭濃厚香辣，噌味濃郁鮮美，麵條Q彈有嚼勁，加上那顆完美的味玉蛋，真係令人回味無窮。我最鍾意佢地嘅厚叉燒，外脆內軟，調味濃厚，配上麻辣噌拉麵一齊食，食完之後嘴唇仲會有麻感，不過偏鹹，食完碗麵之後一定要飲好多水😂<煎餃 🥟💲45>我地仲叫左鬼金棒嘅煎餃，total有6隻，外脆內嫩，煎得金黃酥脆，餡料鮮美多汁，每一口都充滿著鮮味。蘸上一點醋和辣椒油，會仲好食左，不過份量就唔算太大隻🤔如果想試煎餃都可以試下嘅…查看更多

鬼金棒相信好多人都食過，佢個湯底味道十分濃郁，每隔幾個月就想去食一次🤓增量叉燒辣麻味噌拉麵 $120當店員將呢碗麵捧上餐枱嘅時候，我比呢舊叉燒嘅尺寸嚇親。真係十分之巨型抵食，而且呢嚿叉燒煮得非常軟熟，我同朋友仲另外叫咗增量芽菜$30同埋芫荽$30，份量十分之多，啱晒鍾意食拉麵配大量配菜嘅朋友。一如既往鬼金棒湯底都係十分之出色，呢個辣味噌湯底好開胃，辣度足夠，但如果唔食辣嘅朋友最好叫小辣，食嘅時候拉麵配埋芫荽同埋芽菜，口感好豐富。玉米筍辣麻味噌拉麵 $105平時好少見玉米仔為主菜嘅拉麵，玉米仔配埋辣湯，原來都好好食同埋好夾。呢碗我就冇叫到增量叉燒，但係都係大大嚿，唔係平時食開嘅一片片，鍾意食叉燒嘅朋友不能夠錯過。佢除咗有個增量叉燒拉麵，仲有個兩倍增量叉燒拉麵，由於佢叉燒真係好出色，下次都決定要試吓🤓…查看更多

之前見好多人（所謂foodie）介紹同埋fd話如果鍾意食麻辣一定要去試鬼金棒。所以之前星期六唔知食咩就去左，入到去我見無咩人都知瀨野啦…星期六既尖沙咀基本上好多地鋪餐廳都要排隊，但佢唔使。不過一場黎到打算都試下啦，其實湯底就得一種、見好多個item選擇其實都係多左蛋、叉燒等等。叫左味玉小辣中麻拉麵、要$105。得個辣同麻、係完全無香味，而且同拉麵好似分開一樣、完全唔match。個味玉叫好少少、但蛋黃太熟、叉燒無咩味道。最重要、鋪頭超級熱！！好似真係趕客一樣。個人建議真係食普通拉麵或者麻辣米綫好過，真係好不倫不類。…查看更多

🇯🇵東京過江龍「鬼金棒拉麵」，尖沙咀分店主打麻辣味噌湯拉麵，同埋大大件惹味叉燒，裝修風格特別，猶如去咗日本地獄谷！🍜特製麻辣味噌拉麵 $125❥有兩大嚿叉燒，仲有流心蛋、粟米筍等等配菜。叉燒厚嘅程度好似食緊東坡肉咁，好誇張！肥瘦適中好好味。❥呢度嘅湯底可以選擇麻及辣嘅程度，我哋唔鍾意麻，就直接揀咗無麻。❥佢哋嘅面比較粗身，掛湯力強。如果有得俾人揀麵質會更好。🍜味玉麻辣味噌拉麵 $115❥呢一款拉麵其實同特製麻辣味噌拉麵嘅配料全部一模一樣，唔同嘅只係得一嚿叉燒。一樣都係咁厚嘅正方體。❥流心蛋做得非常出色！❥我試埋 +$35 增量叉燒，加錢呢塊叉燒係長方形版巨形東坡肉😂💵飲埋嘢，人均$150…查看更多

店舖裝修以木同埋日本特色做主題，行入店舖，店舖播住打鼓嘅音樂，有種係日本小店嘅感覺。「特製麻辣昧噌拉麵」小辣，叉燒大大件 外貌好似東坡肉咁 入口即溶，麵條Q 彈配搭濃郁滑順嘅豬骨麻辣湯底 唔錯「增量叉燒麻辣味噌拉麵」，叉燒鮮嫩，好食另外如果驚唔夠飽仲可以食埋佢哋嘅「煎餃」六隻餃子皮薄，個底煎得幾脆整體嚟講店舖幾有日本特色，而且湯底做得好濃郁，麻辣嘅拉麵出邊都好少有，麻辣加上濃郁的湯底估唔到有又幾配搭幾好食👍🏻…查看更多

鬼金棒餐廳內有好多日式鬼怪嘅佈置👹 開放式廚房，環境乾淨衛生。主打辣麻味湯底拉麵，湯底可以揀唔辣/小辣/中辣/大辣/鬼增辣(+$15)，鬼增辣就交返俾勇者挑戰，我自己就食返BB辣😎✨✨芫荽辣麻味噌拉麵 $115 揀咗小辣，微微辣更加開胃，對唔食得辣嘅我嚟講都幾友好。湯底味噌口味不算突出，味道較濃，口感油潤，未必可以直接飲湯，但麵條本身都幾掛湯汁，兩者配合得宜。-重點係有座芫荽山🌿 好壯觀！肉肉係超級厚切，食落都幾軟嫩。總括嚟講，值得一試！啱晒鍾意麻麻辣辣嘅愛好者🙆🏻‍♀️…查看更多