嵐山日本料理

營業中

休息中

係尖沙咀行街，行到夜晚就上網搵下尖沙咀有咩餐廳好食，見呢間評價都幾高，就去試一試入到去覺得感覺幾好，座位夠寬敞，裝修靚之餘又夠整潔同埋位置都幾方便，尖沙咀N2出口，行1-2分鐘就到，都幾就腳〜坐低我地叫左個刺身拼盤試下先，因為見到餐廳簡介寫刺身是由日本空運過黎有吞拿魚、油甘魚、三文魚、帶子同赤貝，全部都好新鮮，同埋好鮮甜，值得一試食完個刺身，試左個海膽炒飯個樣似普通，但真係好食，啲飯粒粒分明！之後再試下啲壽司和牛卷，上面係牛，中間係菜黎兩樣野好夾，中和左D油膩感最後燒埋個串燒，個燒牛舌真係好好食，簡單鹽燒，重牛味又爽脆，佐酒一流！