南瀛水產

今次搵左間舒服嘅居酒屋，同朋友傾吓計食吓新鮮嘅刺身，另外亦都係衝住佢可以磯燒海鮮而黎。 忍唔住叫咗好多嘢食，超級大滿足。 ⭐️八爪魚刺身 超級爽口，彈牙！ ⭐️海鮮沙律沙律菜，唔同種類嘅魚生粒，再加上少少酸醋，開胃必備。⭐️雜錦天婦羅盛盒 大大隻炸蝦，外脆內軟，好鬆化。⭐️唐揚炸雞炸粉唔會太厚，雞件大大嚿，絕對係飽肚嘅首選。⭐️特上壽司盛 有10件新鮮壽司， +3件卷物壽司一啲都唔馬虎，厚切魚生，新鮮之餘，啖啖都係肉。到重頭戲，期待已久，我ge大愛， ⭐️蚧味噌甲羅燒！蟹膏超級新鮮，一d 都唔腥，味道濃郁，夾雜啲蟹籽，口感一流。我完全食到停唔到，好有日本嘅味道🥰，職員好好，會幫你燒埋，唔怕唔知幾時熟。 ⭐️活鮑魚 上到枱，2隻鮑魚都仲係郁緊，新鮮燒熟嘅鮑魚係真係唔同啲。⭐️沙白 圓轆轆，脹卜卜，職員會幫你用清酒燒，肉質嫩滑，好味好味😋 總括來講，味道好，海產新鮮，坐得舒服，職員服務周到，一定會帶其他朋友再嚟。