影片
更多
2018-08-04
172 瀏覽
今晚，同朋友相約去到尖沙咀，來到鮨見同佢慶祝生日！鮨見位於係尖沙咀亞士厘道樓舖上，所以都算幾隱蔽～不過我就book咗位，請我朋友食呢個$1280嘅set啦！.首先，黎一個Appetizer，碗入面係有木魚仔，青瓜以及芝麻。雖然，聽落去材料好一般，但一食落好爽脆，好新鮮！呢個前菜已經刺激味蕾，令我好想繼續食落去！.之後，就係茶碗蒸！今晚係一個海膽既茶碗蒸，海膽配上蒸蛋，味道好夾，溫度亦啱啱好！.去到刺身(Sashimi)環節，總共有3款刺身！第一款係用三文魚，松葉蟹嘅蟹肉同以及蟹籽整成嘅刺身！首先，賣相已經好精緻，一食落，感覺到味道清新！.第二款係呑拿魚及魷魚刺身，壽司師傅將魷魚刺身包係呑拿魚刺身入面，上面再加上wasabi同芝麻，魷魚新鮮得黎又有咬口，再配搭上呑拿魚嘅鮮甜，簡直一流！.第三款係深海池魚，呢種魚通常會厚切，食落口魚味突出，肉質爽口，口感嫩滑！.之後到壽司(Sushi)環節！第一件係金目鯛壽司，魚脂同肉比例均衡，肉質細嫩肥美。.第二件係真鯛壽司，上面再加上塊魚肝，入口較清淡，口感極有彈性，越咬越有彈口！.第三件係鯖魚壽司，面頭加上薑蓉，有僻走鯖魚腥味之用，食落去完全無腥味，
鮨見位於係尖沙咀亞士厘道樓舖上，所以都算幾隱蔽～
不過我就book咗位，請我朋友食呢個$1280嘅set啦！
.
首先，黎一個Appetizer，碗入面係有木魚仔，青瓜以及芝麻。雖然，聽落去材料好一般，但一食落好爽脆，好新鮮！呢個前菜已經刺激味蕾，令我好想繼續食落去！
.
之後，就係茶碗蒸！今晚係一個海膽既茶碗蒸，海膽配上蒸蛋，味道好夾，溫度亦啱啱好！
.
去到刺身(Sashimi)環節，總共有3款刺身！第一款係用三文魚，松葉蟹嘅蟹肉同以及蟹籽整成嘅刺身！首先，賣相已經好精緻，一食落，感覺到味道清新！
.
第二款係呑拿魚及魷魚刺身，壽司師傅將魷魚刺身包係呑拿魚刺身入面，上面再加上wasabi同芝麻，魷魚新鮮得黎又有咬口，再配搭上呑拿魚嘅鮮甜，簡直一流！
.
第三款係深海池魚，呢種魚通常會厚切，食落口魚味突出，肉質爽口，口感嫩滑！
.
之後到壽司(Sushi)環節！
第一件係金目鯛壽司，魚脂同肉比例均衡，肉質細嫩肥美。
.
第二件係真鯛壽司，上面再加上塊魚肝，入口較清淡，口感極有彈性，越咬越有彈口！
.
第三件係鯖魚壽司，面頭加上薑蓉，有僻走鯖魚腥味之用，食落去完全無腥味，亦好新鮮！
.
第四件係中拖羅，面頭有蘿蔔蓉，成嚿拖羅肉好似入口即溶，油香味十足！
.
第五件係帆立貝壽司，同樣地食落好新鮮同帶有甜味，另外估唔到咁爽膽👍🏿
.
第六件係赤貝壽司，海水味濃郁，爽口彈牙！
.
第七件係左口魚壽司，即係比目魚上面有芝麻、葱同辣蘿蔔蓉，無腥味又好甘香！
.
最後一件就係我至愛既生蠔壽司，面頭同樣加上芝麻、葱同辣蘿蔔蓉，壽司師傅用火槍灼過生蠔表面，令到蠔味更濃，食落鬼死咁Creamy!
.
去到手卷，手卷入面包住比目魚，今次比目魚被火槍輕輕灼過，將佢既油脂逼出黎，溶落飯粒度，再用上頂級紫菜，無得彈！
.
最後仲有湯同埋甜品！朋友都好開心～～
張貼
