北斗

營業中

休息中

睇omakase關注組留意到呢間餐廳，見冇乜差評就試下，幾有驚喜。由漬物開始已經眼前一亮，淮山爽口清甜，平時唔鍾意食紅蘿蔔都輕鬆清碟。海膽凍豆腐擺盤好靚，好似一幅畫咁，海膽好濃味，即使成舊啪入口都食到個鮮。帶子同池魚都超水準發揮，比一般食到嘅更加甜，尤其是池魚好少可食到成口油。燒拖羅未食都知好味，食嗰時要小心拎住，因為d油豐富到就快滴出黎。串揚方面最鍾意嘅係希靈魚，感覺就好似食緊豪華加大彈牙版多春魚咁。 師傅用英文簡單介紹呢個係eggs，果然係食到魚春最原始嘅味道，夠晒邪惡。上湯龍蝦球大大粒肉，岩哂我呢d唔鐘意骨殼既懶人，比起平時蒸海鮮更加幼滑。最後可以揀飯或者麵，同朋友兩款都試晒。 個人覺得明太子茶漬飯正好多，因為湯底似鰹魚湯比較濃郁，明太子亦都粒粒分明，撈飯一流。 野菜烏冬其實面底係好滑溜嘅稻庭烏冬，但野菜湯比較清淡，再俾我揀會all in晒飯。最後到甜品都有驚喜，係我好鍾意嘅日本柿，果然夠哂時令。