目利きの銀次Royal Grill (已結業)

香港有好多日本居酒屋都好好食，但通常開喺d較偏僻位置，呢間開喺moko呢大商場，價錢一定唔平，但質素都唔錯，部分食物更加係加入香港流行元素！我地叫左個仲買人精選2人餐！頭盤係銀次海鮮沙律，沙律有好多魚生，連埋柚子醋食，確實唔錯！小食方面有炸魚餅，本來無咩期望，但當我將佢連埋d美乃滋一齊食，又香、又好食！我一個人食左兩塊！不得了！但我全個餐最推介係呢個明太子煎蛋捲，蛋煎得好軟滑，明太子好多，咬落去感覺好滿足！之後就有刺身拼盤，我覺得刺身可以有更多選擇！而且不是非常新鮮！最失望其實係個海膽汁燒蠔！其實係炸蠔先岩！因為個海膽汁味道好假！明顯係溝出黎嘅！雖然香港好興食海膽，但唔好亂黎！蠔係好大隻好鮮味，但同介紹張相有好大出入囉！個炒飯係唔錯，我好鐘意珍珠米，有口感又好食，呢個飯好乾爽，唔錯！而飲品同甜品就不過不失啦！紅豆年糕在咁多道菜後上，係幾heavy！而飲品其實都係色素溝soda水，無特別，只係加入香港人喜愛的元素變可愛d姐！