目利きの銀次Royal Grill (已結業)

沖繩食物因地近台灣，風味相近，此居酒屋是沖繩味和日本風。專程來感受此獨特風味。上此商場高層此店，在大玻璃窗下，如登山城而身在沖繩。平日午餐少人，在卡位是坐得十分寫意。價格中上，卻是歎沖繩食物和談天佳地。如澳洲和牛串燒，78元，質素普通而已。有較便宜的午餐，14:00後更有85折。我們沒有選。我認為食物上落參差大。是我首次來的主觀感受。兩人午餐，只能寫片面食評。如蝦牛油果沙律（78元），豪無特色，只能說牛油果新鮮。此餐不是我點餐，可能影響評分。從此店推介的餐單，食友點選了海膽汁燒蠔。燒蠔是我的至愛，做得很好，外香脆而內甘甜。海膽汁是重點所在，不算鮮，不算特。今餐甜品是最好味，柚子味誘人，雪葩值29元一球。柚子忌廉班戟十分香滑。

下午後時段來到這裡一試，叫來了它們；軟殼蟹天婦羅，脆炸軟殼蟹兩隻， 鮮味有肉哋又有軟蟹膏， 附帶醬汁， 蔥碎及蘿蔔蓉。炭火燒焼拼盤六串，已定款不是自選的有； 豬肉串， 雞免治肉棒串， 鵪鶉旦串， 雞翼串， 煙肉雞脾菇串，及 煙肉車厘茄串， 配上椰菜片，其中的煙肉雞脾菇串較為好食。黑豚關西燒餅伴炒麵，那椰菜絲豚肉焼餅較厚， 上面有些醬汁同目魚絲， 反而燒餅下面的炒麵更好吃。辛辣味海鮮鍋，湯底香濃帶著微辣， 有蠔兩隻； 三文魚兩片； 蝦； 豆腐； 菇同菜等， 材料新鮮配合湯底煮著， 好吃的。還有沖繩生啤，大杯’買一送一’

休閒下午去搭火車，一路行一路搵食，一路都未睇到啱心水嘅地方食晏，但係要去搭車之前食咗嘢先，就去到新世紀，冇心水唔知想食乜去睇下有咩餐廳先，望下guide 有一間好新奇嘅日本餐廳，個名好得意上去睇下咩嚟先，見到午餐有好多款式，總會有一款啱我，坐低慢慢揀啦，選擇困難症發作就唔知道幾時先有得食，第一次嚟就問下店員有咩推介，店員有介紹我一個壽司套餐，海鮮係直送全部好新鮮，前菜係芽菜，另外仲有好qq 手打烏冬，呢餐食到好飽好滿足。

很想吃壽司，同場壽司店排滿人，即轉食居酒屋先點了香蔥吞拿魚卷，普普通通，很多蔬菜加上大大舊的青瓜，咬下去先吃到蔬菜及香蔥的清新，吞拿魚的魚鮮味卻不突出。刺身七款，當中的蝦、劍魚腩及赤身不錯，很新鮮。三文魚普通，帶子不鮮甜，另外不喜歡三文魚子，淨吃魚子怪怪的而且很咸，應配白飯較好。或乾脆換上另一款刺身。送上軍艦併盤，蟹肉及蔥吞拿魚不錯，其他一般，可以不試壽司及刺身都一般，串燒卻不錯。選了海鹽味，簡簡單單，配襯的椰菜也很甜。不錯

呢間居酒屋我曾經在屯門v city見過，被佢哋嘅裝修吸引，一直都很想試一試，今日終於都有機會啦，原來旺角MOKO都有分店。一入到去，成個環境，裝修，擺設，menu，都好有沖繩的感覺。星期日假期黃金時段竟然仲有Lunch set。主菜配白飯 + 雜菜沙律 + 味噌湯 + 飲品。日本黑豚涮涮鍋定食 $108 豚肉總有6塊左右，都算大塊。 刺身定食 $118 刺身幾新鮮，很喜歡三文魚子在口中爆開，鹹香鮮甜美味湧入口中。薑汁燒黑豚豬軟骨定食 $78燒得香之餘仲食到軟骨的爽脆，相當好味!水蜜桃乳酸梳打味道正常，不會太甜！

同friend黎moko食lunch，見呢間Japanese restaurant咁有日本居酒屋情懷，就入咗去慢慢揀我們order咗黑豚肉涮涮鍋（配白飯）同埋牛肉烏冬，2個都有味噌湯、雜菜沙律同埋薯仔沙律，加少少錢仲有特飲，CP值都高。豚肉總共約6塊左右，都算大塊，加七味粉好食；湯底濃，用黎撈少少白飯都唔錯；最開心係有蔬菜，夠晒健康。至於牛肉，都幾軟熟，份量都多

行商場咁啱上到去就俾門口嘅裝修吸引左過去睇，反正諗唔到食咩就入左去啦啤酒買一送一，當然要叫返兩杯啤啤佢🍻叫左個燒魚翅黎送啤酒，味道咸咸地，口感有啲似燒魚乾，不過凍左食就會有少少腥明太子卷蛋都好大份，入面嘅明太子份量好多~澳洲和牛串燒，我地揀左鹽燒。牛肉唔會燒到乾哂，但就無乜特別啦。香蔥呑拿魚腩卷都幾好食，不過上面嘅魚腩可以再濃味少少就更好。見到燒元貝上枱都哇左聲，仲有火係下面燒緊。食嘅時候有諗過會唔會燒燶筷子😂元貝燒左一陣都唔係好夠熱，食落都無乜驚喜。雞湯烏冬👍🏻👍🏻湯底夠濃，仲有成隻煮到唸哂嘅雞脾，雖然配料簡單但就幾好食

今次同男朋友選擇左而間日本野 試下一入餐廳，成間餐廳都比人感覺幾舒服，有居酒屋既感覺，我地比人安排左坐係近落地玻璃窗既位置，望到旺角景色。我地先叫左個壽喜燒，我覺得牛肉份量唔算話多，我男朋友一個人就還可以啦😂😂壽喜燒個湯底就比較濃，鍾意濃味朋友應該就比較喜歡 但我就略微覺得有點甜。配菜 粉絲 既份量都Ok。跟住就叫左佢地個太卷 岩岩上枱個時 個份量的確有d嚇親，比我地想像既大。太卷入面既魚生都好新鮮，唔錯。然後係我見好多人推薦既明太子旦卷，老實說無我想像中好味，但我覺得都叫做值得一試，旦好新鮮同明太子夠多、但食曬成條都幾飽😂。最後我覺得而度最值得介紹係野飲，而個柚子果酒真係幾好味又夠凍。埋單兩個人

朋友係外地返黎聚一聚去左大家的中間點原來公眾假期都有lunch set都幾抵食叫左壽司set 有兩個沙律 一個雜菜青瓜 一個薯仔沙律有味噌湯有九件壽司 仲有烏冬仲包埋野飲啲壽司都幾新鮮一個餐包咁多野好飽！！朋友叫左牛肉烏冬就普普通通我地再加左明太子蛋卷啲蛋幾滑 唔鞋侍應服務幾好見我地食曬幫我地收野再叫我地慢慢座

日式裝修，燈光枱櫈配合唔錯，感覺溫暖熱情。同朋友一段時間無見，食住野傾計慢慢嘆住杯啤酒確實係唔錯。星期三晚七點半到，餐廳大約六七成滿，人唔多。食物既種類都幾多，叫左香蔥呑拿魚腩卷、芝士蛋奄列、炒麵奄列，仲有個魷魚。個人覺得香蔥呑拿魚腩卷呑拿魚鮮甜配合香蔥爽口，𣎴錯不錯，另外，魷魚燒得有口感配醬汁亦都好味。而奄列系列雖然料多，但係似乎無乜外內配合似乎不足令整體感覺有少少就咁蛋同料放埋一齊煮，有啲遜。味道係好味既，不過價錢偏貴，唔太抵食。

有日係旺角見完客後，自己一個人揾食，食番餐好野先。我想食日本定食，見佢幾high 又係名牌，實無衰! 都幾多人食，叫了鐵板三文魚定食，個麵豉湯淡某某，無咩麵豉味又無料。三文魚細份到呢，煎得好透，但肉散魚腥，無咩魚油，乾到死，但但生鈎鈎芽菜伴碟，同少到可憐沙律醬，好心檸檬都比塊啦，80幾蚊，唔值。跟餐D沙律普通，D芽菜普通，不吃也罷。明太子蛋卷反而吾錯，煎得唔老，蛋味香濃同D明太子鮮味好夾。刺身差! 隻牧丹蝦好”梅" 腥呀，D三文魚唔新鮮好差，其他刺身都係唔新鮮，看顏色放左好耐，無晒綠茶，無人添，名牌日本料理都不外如是!

平時去開日本餐廳食個壽司，嗌個串燒，閑閑都幾百蚊落樓仲可能唔飽添，今次就介紹間拍拖首選，價錢又實惠既壽司刺身食材新鮮，完全冇腥味，大蝦爽口，所有壽司超有魚香味，蟹子亦都好飽滿，呢個價錢物質素係完全性價比極高串燒最重要梗係個燒汁，醬汁燒味道勁香，推介個豬肉肉棒，有肉汁玉子又點少得最緊要係超熱，有煙仲有雜錦魚壽司其實小編呢間都食咗幾次，所以對埋一齊介紹，每次買單每位唔使$200抵

假日中午和老公逛花墟，各類鮮花，品種繁多，目不暇給，看了已心花怒放!逛過花墟，已是午後，到新世紀廣場吃個"晚午餐"。廣場有不少餐廳，曾到過 Royal Grill Gingi 以前的銅鑼灣分店吃飯，味道不錯，今次就試試這一家分店!我們點了定食和壽司。定食包括前菜、沙律、麵豉湯、飲品。葱鹽黑豚軟骨定食~$ 78軟骨腍中帶脆有咬口，黑豚肉軟滑入味，渗出脂香但不滯膩。配爽脆的椰菜和紫洋葱，伴以酸甜醬汁，醒胃又美味!吉列豚肉咖喱飯 ~ $ 98 吉列豚肉外皮香脆均勻，顏色金黃，內裡腍滑又有肉汁。日式咖喱味帶果甜，綴以紅薑，視覺和口感都好!油甘魚壽司 (2件) ~$ 22劍魚壽司~(2件) $ 60兩款都鮮嫩甘甜! 劍魚略貴，油甘魚較化算!座位之間有空間感。假日若想吃得較舒適，不用輪侯座位，不妨選下午茶時段!

別以為「目利きの銀次」淨係得魚生串燒天婦羅鍋物好食其實呢度嘅甜品🍮都好好食咖!今次呢一個 其實類似糯米糍 不過唔係點花生 而係點紅豆醬加起上嚟簡直係絕配 唔會太甜 夠晒煙韌🤤 再飲杯清酒🍶 呢一餐就叫做圓滿喇!——————————————————————————#目利きの銀次 #mk #旺角 #hkfoodie #foodiehk #香港好去處 #食左先講 #相機食先 #redbean #mochi #紅豆 #年糕 #糯米糍 #japanesefood #japanesedessert

呢間居酒屋聽朋友講過話唔錯，但一直都無食過，今晚行完呢個商場終於有機會啦............早去到都仲有枱，之後食到中途就見門口等位嘅人，環境佈局似居酒屋，聽講係黎自沖繩餐牌上都提供好多食物選擇，價錢望落可接受，仲有套餐帶子壽司 ($48) - 飯粒紮實，唔係一夾就散開，有醋香味; 帶子香軟，幾鮮甜!鹽燒牛舌 ($78) - 鹽粒洒上牛舌上，入口夠熱，燒得香之餘仲保留到肉味，有少少厚度，食起黎有一定口感!  好味!炭火燒燒拼盤 (6串/$118) - 呢客出場率與鹽燒牛舌可謂排全場頭幾位，6串包括鵪鶉蛋，鷄肉，免治雞肉棒，煙肉車厘茄，煙肉，鷄翼!  放上枱時已經聞到好香串燒味，但熱度無牛舌咁熱，有少少失分!  每串都各有特色，尤其係煙肉車厘茄，煙肉燒至乾身，咬落車厘茄就爆汁，好得!!雞肉濃湯烏冬 ($98) - 以火爐煮番滾就食得，一隻鷄肶加烏冬，二人分享都可以鷄肉同湯確係食到鷄味，而烏冬份量都唔少，口感相當滑溜，若然冬天食呢個就仲正!黑豚關西燒餅伴炒麵 ($88) - 木魚碎係燒餅上飛下飛下，中間餅身係有豚肉混合蛋醬加椰菜，食起黎唔覺太膩; 再加上有燒餅醬及沙律醬，酸酸味道都幾引