更多
2021-08-01
3069 瀏覽
值得一試呀喂～平時西式high tea就食得多🈵日式都真係第一次‼️一開頭都係俾佢個「外貌」吸引而來而事實上都唔係虛有其表啵👀——————————————————————————————🍽餐廳：四季菊日本餐廳 🇭🇰位置：中環金融街8號國際金融中心商場4樓😋食物：9/10⏰時段：3pm-5pm🏢環境：8/10🤵🏻服務：7/10💰價錢：✅High tea set🍹$588+1%（2人）（P.S $788+1%係指除左包咖啡茶+清酒雞尾酒乙杯）——————————————————————————————2人⭕️是次人均消費： $323——————————————————————————————首先環境係幾清靜+正常偈傾聲線🤫當日去嘅時候現場約10枱客左右餐廳擁有落地大玻璃✨好彩被安排咗喺窗邊位🥰對住個維港嘅景色🌃仲可以望到個摩天輪🎡唯一缺憾係嗰陣落緊雨🌧天灰灰+又落咗少少窗簾🥺——————————————————————————————至於服務方面都不過不失係有位女侍應似乎唔太熟悉流程？當詢問佢有啲咩飲品時🤔佢個反應係有啲錯愕+要諗下先😅介紹食物種類時又有點兒唔太清晰俾人感覺係「未溫好書」🙊——
平時西式high tea就食得多🈵
日式都真係第一次‼️
一開頭都係俾佢個「外貌」吸引而來
而事實上都唔係虛有其表啵👀
——————————————————————————————
🍽餐廳：四季菊日本餐廳
🇭🇰位置：中環金融街8號國際金融中心商場4樓
😋食物：9/10
⏰時段：3pm-5pm
🏢環境：8/10
🤵🏻服務：7/10
💰價錢：
✅High tea set🍹$588+1%（2人）
（P.S $788+1%係指除左包咖啡茶+清酒雞尾酒乙杯）
——————————————————————————————
2人⭕️是次人均消費： $323
——————————————————————————————
首先環境係幾清靜+正常偈傾聲線🤫
當日去嘅時候現場約10枱客左右
餐廳擁有落地大玻璃✨
好彩被安排咗喺窗邊位🥰
對住個維港嘅景色🌃
仲可以望到個摩天輪🎡
唯一缺憾係嗰陣落緊雨🌧
天灰灰+又落咗少少窗簾🥺
——————————————————————————————
至於服務方面都不過不失
係有位女侍應似乎唔太熟悉流程？
當詢問佢有啲咩飲品時🤔
佢個反應係有啲錯愕+要諗下先😅
介紹食物種類時又有點兒唔太清晰
俾人感覺係「未溫好書」🙊
——————————————————————————————
好喇好喇～最關心嘅應該係嘢食🙈
咁佢就會分兩part上嘅
先咸後甜
值得一讚嘅係個銜接位做得好好🤝
證明有留意客人嘅用餐進度👍🏻
喺適當嘅時候送上食物💁🏻♂️
——————————————————————————————
🅰️咸點🅰️
✅富山縣津和井蟹酢物
🔘粉紅色💕的骰細細一粒🤏🏻驟眼睇係有蟹肉嘅紋路🦀但食落又唔太覺有蟹味🤔旁邊有啲海帶+一片紫洋蔥🧅配埋底下酸酸甜甜嘅汁🤤又幾開胃嘅～
✅靜岡縣櫻花蝦天婦羅
🔘咸香+酥脆😎朋友話餸酒就一流😂奈何我哋嗌嘅set係唔包酒精飲品🙊加上本人亦都唔好酒🤪
✅醬油燒日本仙貝
🔘本身用咗一片葉包住🌱一打開👐🏻原來係帶子🤭面頭輕輕煎香左🔥好食嘅～不過得嗰半舊就好似有啲奇怪😅唔得大方咁🤭
✅長野縣鰐梨素之卷
🔘壽司飯係正常嘅🍚正中間係啲青瓜絲🥒面頭就係啲牛油果🥑成件事加埋係好夾🤝好清新嘅感覺🥺👍🏻連麻麻哋青瓜嘅朋友都表示：好食😋
✅北海道甜蝦波波
🔘波波型壽司飯🍚面頭係一隻甜蝦🦐+幾粒魚子🐠朋友唔食魚子所以搬哂俾我😛又咸又甜🥳雙重味覺衝擊👏🏼
🅱️甜點🅱️
✅焗日本柚子蛋白撻
🔘造型好夠特色🤓蛋白焗到焦黃色又軟綿綿+撻皮夠堅挺又有牛油香🧈最欣賞係正中間嘅柚子餡🥰類似吉士嘅質感🤤柚子味好濃🎉又係好開胃🤢加上本人又好鍾意食酸野
✅蜜瓜忌廉卷蛋
🔘成個set我最鍾意嘅項目❣️原來越冇期望就越有驚喜🥰軟綿綿+濕潤度剛好😇忌廉同蛋糕嘅比例拿捏得準確👏🏼正中間仲有一舊爆汁嘅蜜瓜🍈好好食😭最頂層仲有一小塊類似千層酥餅🥺來個軟硬大對比🆚旁邊仲有西瓜🍉蜜瓜🍈伴碟🍃再加片楓葉添🍁
✅芒果奶凍
🔘細細兜☺️奶凍夠哂滑嘟嘟👍🏻又唔會太甜🥭芒果又唔會酸👍🏻
✅京都抹茶紅豆千層蛋糕
🔘抹茶味又香又濃🍵層次都分別但唔多層😂始終係迷你版🤏🏻低層仲夾雜咗啲紅豆蓉😋抹茶&紅豆不嬲都係孖寶👯♀️
✅北海道牛奶雪糕大福
🔘一粉紅一白色💮完全係皮薄餡靚👍🏻又薄又有彈性🙀一嚟到就瘋狂影「寫真」🤣但中間舊雲呢拿味嘅雪糕🍦都仲係好堅挺😎唔會溶得好快🤭
🅾️飲品🅾️
✅🔘伯爵茶
✅🔘凍檸茶
——————————————————————————————
淨係睇個menu
就好似將成個日本搬咗來香港咁
應該係話好似去咗一轉日本咁🤣🤣
——————————————————————————————
張貼
