AOAO

營業中

休息中

一直喺網上見到依間餐廳好多好評，終於到我帶朋友嚟食啦🤩Akagai 赤貝依度前菜有四件赤貝包住蘆筍同乾蔥絲，辣辣哋，食落去好開胃，真係唔錯！Shredded Celtuce Salad 萵筍絲沙律Salmon Roe, Grated Daikon, Bonito Flakes呢碗沙律嘅萵筍絲真係好爽口，仲有蘿蔔蓉、三文魚籽同埋鰹魚醬汁，意想不到咁夾！一開始我以為係青瓜絲，食落去發現佢質地清清爽爽，仲有少少軟，真係好fresh！Caramelized Pumpkin 焦糖南瓜 Almond, Cinnamon呢個焦糖杏仁南瓜，南瓜煮到外面焦糖化，裡面又綿密，外脆內軟，仲加咗杏仁脆片，味道同口感都超級出色！Charcoal Grilled Eel 碳燒鰻魚 好有驚喜！侍應先上咗鰻魚，跟住又帶埋碳爐，當場用熱辣辣嘅碳條燒香鰻魚，外面好脆，裡面軟熟，肉質彈牙，真係好正！A4 Wagyu Cutlet Charcoal Sando吉列A4和牛竹炭三文治呢道菜係必食，搞到我好期待呀！吉列A4厚切和牛顏色粉嫩，睇落好似有啲生，但食落去油脂感十足，肉味香濃，肉汁又多，配上竹炭三文治，啱啱好唔會太油膩。