蜜庵本膳 (已結業)

今日係兔仔節最後一日假期，行行吓街見到2隻兔仔喺地下，Menu都無睇，就覺得要入去探吓佢地😂原來係一間日式餐廳嚟！一個個套餐咁！當然亦有唔同嘅日式甜品喇！❤️和王牛漢堡扒 ～睇到個蛋黃顏色好靚呀！絕對可以增強食慾！個和牛漢堡扒係自己搓嘅！搓到好厚身，入口有滿足嘅感覺！而加埋蛋黃後，更creamy, 非常有驚喜！炸雞pancake~pancake通常比人用嚟做甜品，估唔到喺呢度會比人當咸食！創新！i like it! Pancake淋上檸檬醬，食落感覺清新，中和返炸雞嘅熱氣感！而炸雞份量都好足，有5至6件，而口味都剛剛好，唔會太咸！美人雪糕～唔用奶嘅雪糕？素食者都適合？佢用豆去造！自家制！成份最清楚同安全！食落似豆乳雪糕！香濃嘅豆味，丰富嘅層次！而家諗返起都流口水呀！茶茶蜜刨冰～三種都係店家自制嘅茶蜜，有綠茶、煎茶同黑糖！我自己最鍾意係煎茶味！因為煎茶都係有些苦澀味，但由於店家將佢變成蜜，所以無哂呢個應有嘅苦澀味，帶出另一番體驗！日本餐廳通常都會有一定嘅堅持！佢地係用熟水自己雪冰再刨出嚟！雪櫃空間有限，所以夏天嘅時候係限量添㗎！山楂梳打（左）～酸酸甜甜咁，山楂據稱有消脂作用，啱哂我！紀州梅