六両三 (已結業)

又係自己孤獨精既時候，就梗係搵間餐廳快快食就算。經過呢間舖門口，見到裡面係食麵既，啱晒！廚師好細心幫客人準備食物，碗碟放整齊好，枱面放好紙巾，餐具，仲有女士紮頭髮嘅橡筋，枱下面可以卦袋，同日式拉麵格局。睇下好咩好食先。叫左個紅燒三寶牛肉麵，個湯底好濃郁，我比較喜歡食粗麵，因為口感好D同埋有咬勁。牛筋切得好大條，望到好多膠原蛋白，食落彈牙唔會糊口。牛腱厚切，咬落啖啖肉，炆得好稔，夠入味。飲埋呢個芭樂汁，今晚餐飯孤獨但完美。