習作 (已結業)

聖誕節的晚上不出街，那麼將大餐的時間推前，變成聖誕節午餐吧！朋友提起此店，剛好發現boxing day有位就即book。聖誕節期間只有指定套餐，都係一個麵或飯加兩個小食，再配味噌湯、薯仔沙律。薯仔沙律：顏色豐富，質地綿滑，配搭南瓜與紅蘿蔔增加口感。味噌湯：味道帶甜，好順口。前菜：雖然細細份，但食得出好新鮮，令成餐營養更均衡。熱湯蕎麥麵：蕎麥麵彈牙帶有小麥香。青檸清酒煮蜆：蜆肉肥美脹卜卜，味道鮮甜，仲有少少清酒味。黑豚壽喜燒：醬汁味道濃郁，黑豚肉煮至軟腍，加埋大蔥好惹味。雜穀飯：健康行先但味道都ok，如果可以熱少少更好。南蠻無花果炸雞：金黃色的炸雞外脆但肉質依然嫩滑，無花果好甜，可以減膩。白玉團子野菜雜煮：有冬菇、南瓜、紅蘿蔔同軟軟的白玉團子，口味較清但好好味。凍朱古力：飲落好滑，奶味較重，整體唔會過甜。