丼瀛 (已搬遷) 新店位置

坐低後見到有告示講間餐廳每次使用後都會對廚具、餐具同檯櫈進行消毒，而家呢個時候見到都食得安心啲啦！我叫咗一個三色冷盤、海之幸丼魚生飯同青蘋果梳打，女朋友唔食生嘢都好彩有唔少熟食選擇，佢叫咗個一口牛定食同巨峰梳打。個冷盤好大盤，大食嘅朋友可以叫嚟做前菜開胃。魚生飯都幾新鮮，特別係赤身同油甘魚，可以見到佢上面鋪滿各類刺生，非常豐富。我試咗女朋友個一口牛，肉質算淋同滑。佢個梳打造型好有得特色，打卡一流，味道亦唔錯。由於個冷盤非常大份，最後食得好飽，好滿足。