大阪 (已結業)

朋友太耐冇見想見下梗係約飯局啦， 朋友太多食物選擇又多 ，自然意見都多， 咁揀放題就一定冇得輸，咁當然係上嚟睇下有乜好介紹 又近近哋鐵路站 ，見到大阪呢間鋪就打電話嚟預約， 點知打到嚟佢哋話而家已經唔做放題 因為已經轉咗手, 咁諗住放棄再搵過第二間嘅時候佢哋而家新開張有好多優惠喎,新張期內惠顧指定消費就送小食同飲品全免(酒精類除外) ，咁我見到已經通知曬啲朋友咁就即管聽下佢哋有咩推介 ，咁佢問我哋有幾多人？ 咁我就同佢講大人同細路加埋有十幾人 咁佢就推介我鋪頭每日有喺日本新鮮空運嘅海鮮set,主有有魚、貝類、大蝦，足夠十人份量，要多個店長推介既龍蝦刺身，加埋壽司，一定夠食，大約三千元多D，咁十幾人除埋都係二百幾，放題都係咁上吓啦，就唔諗咁多就揀呢間，當晚一去到門口，見到招牌到網站提供既相片已經唔同，粉紅色既字加上櫻花圖案真係有少少大阪既感覺， 當然食物既質素先係重點啦，一坐低就即刻送上小食， 螺肉同八爪魚呢啲咁行嘅小食一定唔少得啦， 點知見到杰撻撻一堆， 心諗唔係又中伏呀今次又比人鬧啦， 跟住見到串燒天婦羅同蟹子沙律一上 個心即刻定番啲 ，一食就知即叫即整， 但呢啲都唔係重點 ,重頭戲