影片
更多
2020-12-01
357 瀏覽
荔枝角正宗日式居酒屋，餐廳仲會播住日本音樂，裝潢充滿日式格調，就算平日都好都好多人食，食物款式選擇都幾多，於是早前已經book左枱同屋企人一齊黎食。.岩手縣蠔岩手縣嘅蠔係日本出名嘅蠔種之一，事關出名肉厚又肥美，一隻蠔都好似手掌咁大隻，海水味濃，味道回甘而且厚肉肥美，加埋檸檬、蔥作搭配，令鮮味更顯昇華日本北海道毛蟹上枱前餐廳已經將蟹剝開，蟹腳、蟹螫，方便客人食果時容易拆肉，好細心，肉質鮮嫩，啖啖蟹肉充滿鮮味而且仲有好多蟹膏，蟹膏又香又濃郁，餐廳仲好貼心配左個秘製蟹醋比我地點，更添鮮味。德島產阿波尾雞翼職員介紹係呢度最出名嘅串燒就係雞翼，餐廳選用左來自日本德島縣嘅阿波尾雞翼，貴為日本產量第一地雞,亦係德島縣最知名嘅食材，特別厚肉滑嫩。燒阿波尾雞翼皮脆肉嫩，鮮味十足，佐酒一流!芝士燒蛋卷玉子燒中間夾住大量濃郁芝士，一夾就見到芝士拉絲，入口先有陣陣蛋香同滑溜嘅口感，再爆發出芝士濃香，十分邪惡，非常好食，芝士控大愛。什錦壽司(10件)用上日本直送嘅高級食材製作壽司，有港人最愛嘅三文魚腩、掃羅等，多達10款壽司種類，每款都好新鮮鮮甜，食得出非常高質又正宗。蒜蓉牛油八爪魚鬚串燒即叫即燒，八爪魚鬚切至
.
岩手縣蠔
岩手縣嘅蠔係日本出名嘅蠔種之一，事關出名肉厚又肥美，一隻蠔都好似手掌咁大隻，海水味濃，味道回甘而且厚肉肥美，加埋檸檬、蔥作搭配，令鮮味更顯昇華
日本北海道毛蟹
上枱前餐廳已經將蟹剝開，蟹腳、蟹螫，方便客人食果時容易拆肉，好細心，肉質鮮嫩，啖啖蟹肉充滿鮮味而且仲有好多蟹膏，蟹膏又香又濃郁，餐廳仲好貼心配左個秘製蟹醋比我地點，更添鮮味。
德島產阿波尾雞翼
職員介紹係呢度最出名嘅串燒就係雞翼，餐廳選用左來自日本德島縣嘅阿波尾雞翼，貴為日本產量第一地雞,亦係德島縣最知名嘅食材，特別厚肉滑嫩。燒阿波尾雞翼皮脆肉嫩，鮮味十足，佐酒一流!
芝士燒蛋卷
玉子燒中間夾住大量濃郁芝士，一夾就見到芝士拉絲，入口先有陣陣蛋香同滑溜嘅口感，再爆發出芝士濃香，十分邪惡，非常好食，芝士控大愛。
什錦壽司(10件)
用上日本直送嘅高級食材製作壽司，有港人最愛嘅三文魚腩、掃羅等，多達10款壽司種類，每款都好新鮮鮮甜，食得出非常高質又正宗。
蒜蓉牛油八爪魚鬚
串燒即叫即燒，八爪魚鬚切至一片片串起，口感煙韌易咬，仲有好香牛油同蒜蓉味，非常之入味可口。
半生熟澳洲M5和牛肋眼
澳洲M5和牛肋眼經過微微煎香半生熟，可以保持外層焦香，內層甘香，有兩款秘製醬汁、蘿蔔蓉、芥末同粗鹽配搭，充滿各種滋味。澳洲M5和牛肋眼肉質鮮嫩易咬，牛香味濃郁，就算唔配搭任何醬汁調味都一樣咁好味。
一口燒餃子
皮薄餡香，餃子底煎得好香脆，肉香味十足之餘肉汁都好豐富， 無可挑剔。
博多炒拉麵
以肉片、魚板、椰菜絲等材料炒製拉麵，用料十分豐富，拉麵麵質keep住彈牙，醬汁滲透至拉麵中，非常入味可口。
牛肉烏冬
愈簡單嘅菜式愈睇得出餐廳嘅烹調功夫，牛肉烏冬湯底濃郁，牛肉出其入味又富牛香，份量仲唔少，稻庭手打烏冬，滑捋捋，掛湯力強。
食物款式選擇多，我地都心大心細唔知食咩好，職員都會好熱心咁介紹餐廳嘅特式同出名嘅料理比我地聽。北海道毛蟹同岩手縣蠔都係限量供應，想食嘅朋友記得早幾日預訂。呢餐真係好豐富，我地個個都食到好滿足。
張貼
