影片
更多
2019-06-04
54 瀏覽
餐廳面積唔算好大，裏面裝修主要以簡樸淺木色作為主調，玻璃透光柔和，感覺好整潔同簡約舒適，有點日式傳統飯堂嘅風味。來到已經3點，經過一輪思考後，決定叫下午茶精選，再加甜品。豆乳枝豆豚肉冷烏冬枝豆與豆乳醬混合在一起，味道非常特別，豆乳濃味得來但有枝豆嘅清新豆香味，味道啱啱好。豚肉係半肥瘦，易入口，再與冷烏冬攪拌一齊進食，感覺幾清新美味。柚子合鴨冷蕎麥麵低卡路嘅蕎麥麵一向係健康之選，加上幾片柚子嘅點綴，帶點少少嘅酸味，味道與冷蕎麥麵配合起來，既有口感，食落又特別清爽，不油膩而且健康，非常適合依家呢個季節食。可可香橙Pancake同外面食開唔同嘅係，佢係用米粉代替麵粉而製成。係幾層鬆軟pancake嘅中間，夾住用糖煮過嘅香橙同朱古力。一開始以為個鬆餅會好甜，但配埋個鹹鹹地嘅醬汁就中和返個甜味。一問之下原來個醬汁仲加左近排好hit嘅鹹蛋，令到個pancake無論係味道定口感都提升左層次。柚抹茶柚芒果芭菲又到愛文芒果當造嘅季節，當然要試下呢個芒果系列啦。芒果一如想象咁清甜，再加上柚子雪芭，令到芭菲食落又種好清新嘅感覺。而作為日式甜品就少不了抹茶同紅豆寒天點綴。熱 & 凍 Latte 熱Latte，
來到已經3點，經過一輪思考後，決定叫下午茶精選，再加甜品。
豆乳枝豆豚肉冷烏冬
枝豆與豆乳醬混合在一起，味道非常特別，豆乳濃味得來但有枝豆嘅清新豆香味，味道啱啱好。豚肉係半肥瘦，易入口，再與冷烏冬攪拌一齊進食，感覺幾清新美味。
柚子合鴨冷蕎麥麵
低卡路嘅蕎麥麵一向係健康之選，加上幾片柚子嘅點綴，帶點少少嘅酸味，味道與冷蕎麥麵配合起來，既有口感，食落又特別清爽，不油膩而且健康，非常適合依家呢個季節食。
可可香橙Pancake
同外面食開唔同嘅係，佢係用米粉代替麵粉而製成。係幾層鬆軟pancake嘅中間，夾住用糖煮過嘅香橙同朱古力。一開始以為個鬆餅會好甜，但配埋個鹹鹹地嘅醬汁就中和返個甜味。一問之下原來個醬汁仲加左近排好hit嘅鹹蛋，令到個pancake無論係味道定口感都提升左層次。
柚抹茶柚芒果芭菲
又到愛文芒果當造嘅季節，當然要試下呢個芒果系列啦。芒果一如想象咁清甜，再加上柚子雪芭，令到芭菲食落又種好清新嘅感覺。而作為日式甜品就少不了抹茶同紅豆寒天點綴。
熱 & 凍 Latte
熱Latte，簡單嘅拉花，入口順滑，淡淡咖啡香氣。凍 Latte，不用落糖，令咖啡味更突出。為今日嘅美味休閒一餐畫上完美嘅句號。
張貼
