蟹慶 (已結業)

無咩胃口的我。同朋友行行吓街想搵個地方坐下。便黎到一間好有特色的裝修，好多蟹做標題。二話不說就進入了餐廳。好有日本的感覺，有除鞋坐的，亦有卡位坐的。門口有個玻璃池養著活毛蟹。於是我哋就叫了個兩人套餐試吓。前菜係個沙律，令到無咩胃口的我都忍不住食完。精選廚師發板刺身，好肥厚。食咗冷食再食個熱食蟹肉蒸蛋，啖啖蟹肉加上滑蛋，好暖好好味。蒸毛蟹同浜燒松葉蟹腳，各有特色，蒸可以保存新鮮蟹的鮮味，燒可以令到蟹肉變得好香。食日本菜當然少不了天婦羅🍤，炸粉好脆好味。再黎個吸物，用綠茶粉做的，所以不甜，好適合唔鐘意甜的我。果然不錯的選擇！